林峯專訪｜不甘一直被定型　曾受負評洗禮︰練到一個強大心臟

林峯專訪｜不甘一直被定型　曾受負評洗禮︰練到一個強大心臟

電影《九龍城寨之圍城》叫好叫座，上映星期未夠一星期，票房已衝破2000萬，為一直令人擔憂的電揚市道，帶來一個猛烈衝擊。除令久違的動作片再次冒起，更興奮是電影成功捧起一班新血接棒，以林峯、劉俊謙、鬍子彤、張文傑組成的「城寨四少」，在戲中擔大旗，令觀眾眼前一亮。

特別是林峯，雖然拍電影年資已超過廿年，但角色向來不是官仔骨骨，就是賣樣賣Chok，一直就是欠代表作。直至這一部《九龍城寨之圍城》，陳洛軍由開初被欺負，被無視，到後來為自己地方打出公義，那份熱血看得場內無不感動，亦令人不少人覺得林峯，原來都演得！廿年換觀眾的讚賞，甚至平反，一切都值得。

排舞式練武

是偏見好，還是先入為主好，聽到林峯拍動作片，第一個感覺總會泛起「花拳繡腿」四個字。直至入場看到電影中的林峯，一位非動作演員打出接近動作演員水平，是令人收曬聲的。靠的只有兩個字︰勤力。

唔畀自己定型

說起林峯，會想起他不少劇集作品，爆Seed、管家仔、嬴政，但電影呢？未有一個可令大家本能反應地立即答出。事實上，林峯幸運地，出道不久便有機會拍第一部電影《別戀》（2001），導演是未拍《無間道》（2002）前的麥兆輝，女主角是李彩樺。

一嘗電影滋味後，林峯對此念念不忘，可惜未見迴響。「隨後十幾年都是拍劇多，但我要保持自己那份熱情，演員團火係唔可以熄，一熄就變成一個模式，作為一個演員，我唔可以畀自己定型。」

被定型，可能會獲得「御用ＸＸ」的銜頭，但林峯不想領，他最想予觀眾新鮮感。「因為我覺得可以畀人預計到嘅演員……冇乜可觀性，我知你會咁演，咁使乜你演呀？一定要諗無限可能，特別是電影，好多時真係要現場撞出嚟。」

未完待續,請點擊「下一頁」繼續閱讀