不後悔離巢！周家怡捉緊所有機會：唔覺得自己紅

「英皇一姐」周家怡近年於影視圈大展拳腳，迎來事業高峰期！她事隔9年再拍TVB劇《星空下的仁醫》，飾演醫生的她事前為說服自己「轉行」行醫做了不少準備工作，上網搵海量手術片當煲劇。

她說：「最初睇系覺得好核突，但睇睇嚇就麻木咗，今次可以入埋手術室做手術真系好好玩！」更搞笑自爆拍完劇一度走不出角色，代入感重到有日去醫院做身體檢查，險泊醫生專用車位。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

重回「娘家」開工的她直言感受很大，踏入電視城一刻回憶即湧現，展開尋找「腳毛」之旅：「行番好多以前行過嘅路，同導演、編審、幕後同事吹水嘅地方，佢哋真系由細睇到我大，覺得人生眨嚇眼就過咗10年，以前又喺呢度10幾年，好記得我系17歲入訓練班，啲感覺返曬嚟！」

以劇本行先

若然時光倒流，她直言都會揀「離巢」路，捉緊身邊所有演出機會：「點都試嚇先，唔得先再算！明白到有好多嘢都唔系自己可以控制到，譬如有冇戲做、喺呢行仲行唔行到落去、觀眾鍾唔鍾意你，而我控制到嘅就系機會嚟到盡力做好個角色。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

她續說不排除再接拍TVB劇，劇本可謂最大「利誘」，永遠都會是以作品行先。

她近年專注向電影發展，成功打響知名度，惟她謙爆拒認當紅，更笑言希望事業高峰期可以再高。

她說：「啲人成日都話我好正、好多嘢拍，但又唔覺得自己好紅，不過今年可以劇接劇咁開我都好感恩，尤其是好難得遇到好嘅團隊，同埋啲劇本都系我好鍾意，帶到唔同訊息畀大家反思。」

周家怡未諗生B計劃：依家拍拖都未有！

藝人周家怡於劇集《星空下的仁醫》內被拍檔馬國明暗戀，談到二人情路上的結局，她笑言：「之前喺《On Call 36小時》內我暗戀佢，估唔到今次大逆轉，畀佢痴戀系我嘅榮幸。」

她又大讚一班小演員演技出色，自己追看時湧現很多回憶片段，她坦言很多場戲都把自己弄哭：「尤其鍾嘉欣痛失BB嗰場戲，我喊到豬頭一樣，同埋個道具BB真系做得好真，我叫咗監製要小心處理，唔可以亂咁丟嚇親人。

（你會唔會考慮好似嘉欣咁接受試管嬰兒？）我仲生得，不過湊小朋友好費心力，我無刻意去計畫，況且依家拍拖都未有，結識異性方面就隨緣啦。」家怡亦表示有聽聞想開拍續集，成事與否要看幕後，她表示：「一輯受歡迎已經好正，驚續集故事設定好難，夾硬就唔好喇。」