張景淳傳被踢出《愛．回家》　呂慧儀：愈傳愈誇張

張景淳傳被踢出《愛．回家》呂慧儀：愈傳愈誇張

《愛．回家之開心速遞》一班演員劉丹、滕麗名、呂慧儀和蘇韻姿為賀年節目作錄影。呂慧儀劇中的老公張景淳早前有傳因經常遲到而被高層訓話兼被踢出該劇，呂慧儀被問到此事時拉開話題。

她說：「新年新氣象乜都會好，疫情都會好轉。（系咪如傳聞咁講？）因為一個人講，所以愈傳愈誇張，其實冇乜事，大家都好勤力做好本分，最勤力就系爸爸劉丹。」劉丹也幫口說：「有冇聽過一個笑話，有人話山上有個窿，傳下傳下變咗山上有條龍。」

呂慧儀續指大家會愈做愈好：「爸爸（劉丹）教得好好，熊家無論里里外外都好聽話，連女婿都教到好聽話。」

講到新年，他們表示除夕仍要為《愛》劇開工，他們當天應該會在廠內一齊吃團年飯，劉丹笑言：「食物由女士負責，我只系負責食。（仔仔劉愷威今年會唔會返香港過年？）佢已經喺香港，難得一年喺香港過年應該會留耐少少，佢為咗返嚟過年都推咗唔少工作。」

至於早前生日的滕麗名透露今年食了勁多蛋糕：「食咗16個左右，所以許咗好多願望，最緊要系疫情早日過去。今年收到咁多蛋糕系有原因，因為我以往生日都唔系香港，所以系積落。」劉丹笑言想不到生日蛋糕也可以儲。

JW全力出歌唔急嫁：愛情系後盾！

歌手王灝兒（JW）與薛家燕今日（22日）為賀年節目進行錄影，JW透露近兩年未有推出新歌，故今年計劃全力出歌：「我上年專注拍劇，今年就專注音樂，我最近親力親為搵音樂監製、填詞人合作，希望可以多產，已經錄好一首歌，希望過年前錄多一首。（系咪準備喺4月頒獎禮爭獎？）我完全冇諗頒獎禮，唔想為獎框死自己。我最想年底出新唱片同埋開演唱會。」

至於終身大事可以納入新一年計劃內？她坦言身邊很多朋友結婚，也很戥他們高興，但自己今年只想專心事業：「因為我同跟男友感情好穩定，所以唔使急，佢都專注佢嘅事業，愛情系大家嘅後盾，大家互相支持，我哋冇壓力。（拜年會畀親友催婚？）疫情下都唔方便擺酒啦，所以催婚話題今年可以免疫。」

教曉8個月大的孫仔拜年

薛家燕她稱新抱已教曉8個月大的孫仔，向她請請拜年：「孫仔好得意，佢今日向我請請，我同佢講未到初一，初一先派利是，如果日日都拜，都要幾多利是，不過有個孫仔同我拜年系好開心。」

她續指因疫情關係，兒子也要求她減少見孫仔：「佢話我成日喺出面做嘢，所以叫我唔好入屋見孫仔，只可以視像，依家疫情緊張少少，安全第一，希望疫情快啲過去。」

她坦言近期疫情嚴峻，不少活動都要取消，她也覺得有點遺憾：「因為好多朋友都想同我拜年攞我封利是，唔系志在入面嘅嘢，而系個意頭，我會準備定200封利是喺身，如果返公司或電台就會通知大家，分享好運。」

另外，她透露數星期前拍攝節目，堪輿學家李丞責已預告疫情會涉入動物問題，現果然應驗跟倉鼠有關，問到李丞責有否指點她一二？她說：「佢話我今年或出年會有喜事，有可能攞獎，我以為系中六合彩，點知啱啱億幾又未輪到我，我會一直買到攞為止。」