陶大宇快閃唱《倒轉地球》：集齊力量噓走衰氣同疫情

我發現自己最近改咗姓，姓『倒轉』，名叫『地球』，唔系叫我名，好有趣，原定唔只我娛樂大家，朋友都娛樂緊我，雙贏。」更指返港幾日不停說話，最終搞到聲沙沙，加上與朋友聚會時，少不免被邀請即席演繹名曲：「都走唔甩，希望儘量滿足佢哋，其實今日活動延期，商場方面承諾之後做番，我個心定啲，因為一心想現場唱一次，頭先拍嘢唱兩句唔過癮，好想唱足本版等大家開心啲！」

希望休息一下

大宇還預告將留港一段長時間，除了陪家人及與朋友敍舊，也希望休息一下：「我入面七勞八損，真系好攰，趁過年時候停一停。（內地工作接唔停？）系計劃緊一啲嘢，我會喺社交平台好勤力拍片，但都會慢慢做。（首歌系你兩年前唱？）其實唱咗好耐，多謝社交平台，本來90後唔識我，依家識我仲摷番我以前嘅嘢，結果似雪球咁滾大！

（呢幾個月有冇唱咗首歌幾百次？）我梗系希望唱幾百次，真心多謝呢首歌嘅作曲、填詞同主唱者，等我可以跟住唱，當然因為首歌令到工作量系多咗，好多人都問我會唔會加價，但我覺得工作量多已經當加咗價，都知老闆們喺呢個疫情壓力大，所以好想大家共同渡過。」