以周星馳作藍本！《青春不要臉》丁子朗4點還原經典

丁子朗勁爆1個打10個戴祖儀騷胳肋底似「綺夢」

丁子朗於TVB劇《青春不要臉》化身「打仔朗」，有不少打架場面，其中一場，于波樓內以一敵十，身手不凡，問他為何如此好身手時。

丁子朗說：「好彩有好好嘅龍虎舞師傍住我，先完成到呢場戲。我自己本身都好鍾意拍打戲，好鍾意武術。呢場戲拍之前其實排咗兩個月度，咁我拍之前就喺屋企不斷拉筋同練動作，好彩細個有打過功夫，但由於都好耐冇拉筋好硬，嗰時我每日一返到屋企就即刻拉，靠住度門一路將一隻腳撐上去，再一路睇劇本。」

據知，劇中無論跳舞或是動作場面，均有作事前排練，但由於排練需時、總共接近2個半月。

為免影響進度，演員及工作人員均是事先排練約1個月後，再於拍攝期間再抽空練習，十分認真。談到波樓打鬥戲，監製林肯坦言是想向80年代功夫片致敬：「當時慢慢開始將搞笑元素加入武打片，難度高之餘亦會親身上陣。」

除了丁子朗靠打搶鏡，劇中另一女角戴祖儀（Joey）都相當搶鏡，因戲中Joey被屈有臭狐，她遂變身「舉手王」，舉高胳肋底力證自己「清新無味」。

該集播出後，不少網民留言話想到《賭聖》的「綺夢」，十分搞笑。