黎耀祥看好林敏驄拎視帝！老婆看《輕‧功》太入戲晚晚哭

祥哥人到中年，現在一切隨遇而安，抱住輕鬆自在、唔強求慨心態最舒服：「我好感恩，歷史上邊有藝人去到40幾歲先做男一？家去到50幾歲，不論經濟、演出、家庭上每個層面都合格，講真咁多年即使做配角及主角，心態上都冇乜分別，我覺得自己要有自己慨人生態度，演戲之餘要有人生長遠計劃，現階段唔系年輕搏殺時期，唔會系咁橫衝直撞乜都做，反而會珍惜時間及工作量，希望做好唔同慨工作。」

冇信心四奪視帝

提到《輕‧功》得到年長及為人仔女慨觀眾共鳴，作為三屆「視帝」的黎耀祥可有期望再奪殊榮？他表示睇好《下流上車族》的「車總」林敏驄。

他說：「呢啲咁平實慨題材唔啱爭奪視帝，老實講，每位對手做咗咁多年戲，個個都演得好好，問題系演到乜角色，林敏驄個角色咁有驚喜，觀眾喜出望外，系奪獎因素，加上林敏驄平日咁『無厘頭』，估唔到渠拍認真戲，拿捏得咁好，令人感動，呢部份值得加分。

另外角色做得好同時，話題設定都要好，《下流》講房屋問題，大家會有共鳴，所以一定睇重渠。至於視後十強表現比較平均，如果講功力鮑姐(鮑起靜)、江儀儀冇得輸，而新一代演員有渠哋近一代慨演出方法。」