吳偉豪獲飛躍獎全靠周嘉洛 娛圈壓力超大有家人撐先頂得住

24歲，剛奪得「飛躍進步男藝員」的吳偉豪（Ricco），在《有種好男人》演40歲李佳芯（Ali）囝囝完全冇違和感，他賣口乖解釋容易投入角色，全因家有靚媽。

講到家人，Ricco坦承是自己最強後盾，而《愛·回家之開心速遞》的「家人」劉丹及周嘉洛等，亦成為鞭策他進步的推手。

採訪：杜杜 攝影：Stanley 髮型及化妝:Ricco Ng 服裝:dunhill 場地:Velo Italian Bar & Grill

Ricco跟Ali年齡只差16歲，但演起母子一樣神似，他識做話：「首先我媽咪都系非常之靚，所以唔難投入角色㗎！因為屋企已經有一個。」他承認現實中與媽咪相處方式跟角色一樣，「同朋友傾偈咁樣。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

愛搵二哥做「樹窿」

講到得獎，Ricco認為可能跟去年在《愛·回家》及《回歸》演出都有不俗迴響有關。由7年前入行到踏上頒獎台，Ricco覺得家人扮演最重要角色。

他說：「無論面對壓力或者任何負面慨嘢，屋企人系我最強慨後盾，所以我先可以承受到喺呢行慨壓力，最重要多謝屋企人，無論條路幾難行都好，渠哋都唔停支持我、鼓勵我，叫我去努力做好份工。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

而當中大他一年的二哥更成為他的主力「樹窿」，皆因成長階段主要同二哥一齊。

至於由Ricco入行已參與的《愛·回家》系列，亦成為他另一個家，有歸屬感外，向來對演出高要求的他，更會邀請一班《愛·回家》拍檔擔任其演出的意見調查團成員。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

特別是老死周嘉洛，「我次次有劇出都會問渠『你覺得點呀』，渠有劇出我又會同渠講返。」

連前輩劉丹亦有畀意見，「丹爺次次都同我講我做得好，『其實你系安慰緊我，定系我真系做得好呢』，我有去問渠，渠都有解釋點解覺得好，丹爺系非常之錫我。」