周柏豪教連詩雅做好老婆戒幼稚！單身鄭融好想結婚生兩個寶寶

Shiga做有童真陳太

4月準新娘Shiga對生兒育女抱順其自然態度，因為婚後兩天已經要開工，她認為結婚只系姓氏改變，仲堅持保持小朋友慨童真，對此，周柏豪即提點她：「結咗婚同先生關係會唔同咗，婚後另外有一頭家顧慨嘢會多咗，你明唔明呀？睇嚟你仲未長大，仲系細路！」

柏豪又以派利是做例子：「婚後會轟烈式派利是，朋友會帶埋仔女嚟拜年，我普遍要派6位數利是。」Shiga聽到嚇了一跳，笑言明年要去避年。柏豪即否定她說法：「家有埋電子利是冇得走雞！」

Shiga自言有乜唔識，會向周柏豪及梁諾妍請教，周柏豪再認真提醒她：「夫妻間嗌交唔緊要，少少磨擦都OK，系一種溝通方式，要互相尊重。」

他再三提醒Shiga要好好Enjoy一生人得一次的婚禮，因為當日好快會過去。另外，38歲的鄭融希望今年有自家創作作品及個唱外，最重要可以搵到真桃花，然後組織家庭生兩個B。