同佘詩曼新劇斗「戲」！李施嬅回巢爭做TVB一姐
施嬅自拍畢《金宵大廈2》後就沒有為TVB拍劇，去年更因免疫系統出事一度全面停工休養，她受訪時自爆：「舊年9月為電影《錄影歹》做監製，免疫系統指數有變，嗰個月壓力同工作量太大，指數升番，好恐怖，我即刻好緊張。依家工作我會儘量調節，要Relax啲！不過今次佳導自己拍番我放心嘅，唔會通頂，唔會好辛苦，大家都有足夠時間休息，我依家都一直觀察緊自己嘅情況。」
施嬅坦言今次接拍此劇，除了是角色及劇本吸引外，監製亦是主因：「其實舊年2月佳導已經搵我，一路傾緊啲期，我未同佢合作過，不過好欣賞佢，今次仲系佢寫古仔同拍攝。我一早已經收到10集劇本，一直睇緊。」
對於多年後再與阿佘「過招」，她指2人曾合作《東山飄雨西關晴》、《公主嫁到》及《宮心計》等劇集：「好多年冇碰頭，所以好想再拍，而且今次個主題我好鍾意。外國有好多劇講新聞主播，自己都系Fans，好鍾意睇，希望嚟緊所有嘢順利。」
她又透露日前去了新加坡登台，與歌手張信哲做了3場演出，笑言：「終於可以登台，好開心。」而她現時正在外地與老公度假，展開洗滌心靈之旅。
至於劇中的萬人迷高Ling受訪時表示：「我個角色EQ比較高，外表亮麗、性格開朗，所以好多人鍾意，但系背後嘅佢因為冇乜家庭背景，所以好勤力，要靠自己得到想要嘅嘢。（劇中全部系惡女！）每個行業都有人事問題，做女主播一定有人事糾紛、爭位，生人性善同惡，我覺得會好好玩！」
馬國明自認世界仔 婚禮多贊助
視帝馬國明今次飾演一名高大有型又風趣的男主播，在官場及商界都很吃得開。劇中他身邊儘是惡女，不過他亦非等閒之輩，他受訪時表示：「我已經睇緊劇本，今次角色系個面面俱圓嘅世界仔，會搞職場政治，專同阿佘斗！（施嬅同你都多戲？）我同施嬅以前成日合作，好似《鐵馬尋橋》同《寒山潛龍》，不過都隔咗好耐，可以合作番好難得。」
提到此劇需要一段長時間拍攝，他與湯洛雯（靚湯）的婚禮是否需要延期？他說：「我諗都要下半年嘅事，呢排Plan緊，睇緊好多資料，好開心。好多人話會Sponsor我哋，暫時都系籌備緊。」
