冼靖峰開Live講錯嘢被品牌割席劃清界線
《聲夢傳奇》學員冼靖峰(Archie)、林智樂(Felix)、蔡愷穎(Lolita)及詹天文(Windy)昨晚(27日)一起音樂Live Show表演,期間大曬唱功之餘,更齊齊Chit Chat一番。
不過,Archie就口快快唱錯嘢,傾開年紀話題時,Felix指自己跟Lolita都是03年,點知Archie口快快突爆一句:「咩03年?即系沙士死剩種呀?系咪呀?」當時大家呆曬,Felix雖然幫口兜諗住補鑊,但都令不少網民大感失望、不滿,指他不應該以香港人的傷痛來開玩笑。
所謂經一事、長一智,相信Archie都已反醒,不過,今日(28日)就有曾找他與《聲夢》共15位學員,於7月出席活動的電訊公司發出聲明,即時與Archie劃清界線,表示其公司都有留意他的言論,更指Archie並非他們的代言人,而其言論與其公司都絕冇關係。
據知,冼靖鋒年廿九(31日)會與「聲夢幫」出席TVB賀年節目,暫時未有取消。
為失言道歉
冼靖峰就失言一事道歉,他一臉悔疚表示:「我想講聲對唔住,我喺上一個Live Show度講咗啲唔應該講嘅說話,因為有時我哋學員之間,私底下講嘢系會有啲Over,有啲嘢唔應該講就系唔應該講,好對唔住,我真系講咗啲唔應該講嘅說話,知道自己唔夠成熟,以後會更加成熟,談吐舉止都系。」
未完待續,請點擊「下一頁」繼續閱讀