黃淑儀唔知有讀寫障礙：以為自己蠢記性差 演戲半世紀背劇本一定要寫1次

原標題：黃淑儀唔知有讀寫障礙：以為自己蠢記性差 演戲半世紀背劇本一定要寫1次

黃淑儀唔知有讀寫障礙：以為自己蠢記性差 演戲半世紀背劇本一定要寫1次

73歲的黃淑儀（Gigi），由19歲拍第一套劇集《夢斷情天》出道，入行超過半世紀，雖然Gigi姐近年主持烹飪節目較多，但對於演藝工作仍有追求，為挑戰自己去年9月參演音樂劇《伴我同行》，演出大獲好評。

Gigi姐早前更首度公開有讀寫障礙，多年來讀劇本為演出做準備，比一般人要花更多功夫，她一直以為是自己蠢兼記性差，但她依然很享受這份工作，不斷增值自己。Gigi姐又分享近年榮升嫲嫲，弄孫為樂相當開心。

採訪：杜杜 攝影：羅安強 場地: The AIR (The ONE)

Gigi姐為演出音樂劇《伴我同行》，去年8月專程由溫哥華返港演出，她解釋相隔21年再答允藝術總監兼監製高志森邀請演出舞台劇，全因想挑戰自己，「到咗呢個年紀都想挑戰舞台劇，因為冇得NG，拍電視劇有得NG，咁我做唔做到呢？同埋知道個對手系焦媛，我就即刻應承，我睇過好多焦媛慨舞台劇，最深刻印象有次唔記得咩劇名，知道系焦媛做就入去睇，睇極點解仲未到焦媛出場慨，原來渠少女咁戴咗個bob頭，喺度又唱又跳，渠舞台上慨身體語言系一流，完全認唔到渠，合作之後發覺大家慨交流擦出火花好多，渠幫咗我好多。」

正因合作太愉快，而音樂劇排練需時，只演出4場Gigi姐大呻唔夠喉，「感覺好似排咗咁耐，大家慨付出咁多做得四場，而且反應咁好，我自己都估唔到。」

畀拍檔何守信取笑太勤力

演出多年，經常要熟讀劇本的Gigi姐，早前首度公開患有讀寫障礙，「人哋講咗我都唔得，我一定要寫低先記得，有時影咗張相我都要做手腳，呢個系邊個，見返面我先會知，如果唔系個樣認得，但唔記得個名。」她一直沒察覺記對白要靠寫低劇本，直至年前經丈夫發現她這情況都屬於讀寫障礙，「其實都好耐，不過我一路諗住系咁樣做功課冇事，以為自己蠢或者記性差，我先生見到我成日都要寫過曬啲對白喎，渠就提我呢啲都屬於讀寫障礙。」

未完待續,請點擊「下一頁」繼續閱讀