原標題：DJ梁文禮稱太愛梁詠琪用詞肉緊！Gigi：大家都放低向前行吧！
「雙面人」梁文禮蒲頭稱太愛梁詠琪用詞肉緊 Gigi：大家都放低向前行吧！
商台DJ梁文禮被踢爆「雙面人」行為，日前他睇完頭場演出後，先在公開的IG分享演唱會的照片，仲留言大讚Gigi好靚，但轉頭就在個人的FB撰長文狠插演唱會，結果惹來網民狂轟。
有傳媒向梁文禮了解，但他「潛水」未有回應為事件。今日（20日）梁文禮主持商台節目《叱吒樂壇》，在節目一開始時，公開向梁詠琪道歉，希望這個回應大家系可以接受！
聲稱對Gigi太肉緊的梁文禮，他先祝梁詠琪在過去三晚的演唱會成功後並說：「有好多樂迷好鍾意呢個演唱會，喺時間上慨run down帶畀佢哋好多回憶。首先我要同梁詠琪同埋演唱會慨團隊，甚至有買飛入場慨觀眾講聲唔好意思亦都對唔住。」
他續說：「首先我睇完第一晚之後，喺自己慨私人平台好肉緊咁覺得有多嘢應該要點樣做，歌曲點解會咁樣斬一半，喺自己個平台好肉緊咁樣，而傳媒就話系『狠批』梁詠琪演唱會，我都希望呢個回應大家系可以接受。」
梁文禮接著一輪嘴地說：「一個演唱會有好多面向，大家點樣接收，當然系由觀眾自己選取，我都希望可以再有另一個角度，例如系DVD再睇呢個演唱會，我接受到好多樂迷慨訊息，可能系坐位角度睇唔到，希望可以再次睇呢個騷。」
他又稱自己與梁詠琪私下不相熟，事件發生後，他透過Vani向對方解釋：「我send咗一個有好大段文字慨訊息畀梁詠琪，希望渠可以接受我對渠慨道歉，我都有話渠知點解我咁肉緊去表達意見，希望渠都可以消化。」
關於文字訊息的內容，最初梁文禮話「唔諗住公開」，殊不知轉個頭就話：「過去4次紅館演唱會，甚至阿Sam慨《仲夏狂想曲》，甚至CD以及每一個單曲派台，我都真系有細心聽，所以某程度上，我唔系一個旁觀者，所謂慨一個《叱吒樂壇》慨主持去狠批演唱會，我都系好鍾意梁詠琪慨歌，渠慨歌系陪伴我生活上面慨一啲經歷，或者系好多種種問題，我都都肉緊，喺個騷度聽咗啲乜嘢歌，所以先有咁慨回應。」
梁文禮聲稱自己希望向梁詠琪「示愛」：「我真系好支持梁詠琪，希望渠喺完騷之後，透過Vani可以一齊傾嚇偈見嚇面，我都冇話要同渠樹敵，亦都好歡迎渠嚟我哋呢度。」梁文禮更說：「渠有6呎高慨大量，應該比一般人好好多！希望Gigi可以開心，都好好放假。」
最後他說：「我哋每日返到嚟商台，喺直播室一開門就見到對聯，呢個對聯繫每日都望到，望完先會入直播室，呢個對聯繫商台慨座右銘『話到口中留幾句，理從是處讓三分』，呢個系何佐芝提醒大班（鄭經瀚）凡事留有餘地。
未完待续,请点击「下一页」继续阅读
{nextpage}當大班離開商台後，對聯仍然掛喺直播室門口，我覺得我哋一日返嚟做節目又好，又或者喺生活上講任何一個意見到好，其實都要好好思量呢句對聯所講慨嘢，先再作出下一步。」
其後梁詠琪經理人亦有回覆梁文禮道歉：「Gigi剛完成演唱會，我讓她這幾天在家好好休息。事情就讓它告一段落吧！謝謝外界對演唱會的好評，整個團隊都很振奮，Gigi也在不斷力求進步，大家有目共睹，大家都放低向前行吧！」
責任編輯：