陳豪結婚9年維繫感情全靠靠它！奉勸藝人勿人前人後兩個樣

陳豪結婚9年維繫感情全靠冇秘密 奉勸藝人勿人前人後兩個樣：會穿㗎

陳豪（阿Mo）在喜劇《新四十二章》表現出位，又跳街舞又裸泳，他承認入行29年要突破自己好難。提到跟結婚9年的太太陳茵媺（Aimee）婚後首度合作《羅密歐與祝英台》，雖然過程愉快，但阿Mo竟然話唔想有下次。

另外，陳太有開心分享癮，一睇IG就知陳家去過邊食過乜，陳豪唔介意老婆公開家事，更首談跟Aimee維繫感情秘訣全靠「透明」兩字。

採訪：杜杜 攝影：朱偉彥

阿Mo有大量演喜劇經驗，不過以前唔識得拿捏，演得太夸有反效果。他表示《新四十二章》是他入行以來最難演的作品，因劇情天馬行空，要踏實去演並不易，連最弱的跳舞都要豁出去跳，「明知自己弱項，so what！？我系要將個感覺跳出嚟。」

講到最難演場口，曾全裸演出電影《晚九朝五》的阿Mo，認為是跟譚凱琪裸泳的一場，「我都冇裸泳好耐，哈哈！我系幾欣賞阿Joe（監製陳維冠）度到呢啲情節出嚟，平時唔會做慨嘢，拍劇可以放膽去做，咁咪可以撞到啲嘢出嚟，渠系挑戰我底線，我連底褲都除埋，哈哈！」

他自爆是他主動提出，拍攝時要交代除埋底褲先有喜感。

抗拒同老婆成日合作

入行29年，阿Mo仍想不斷挑戰自己，談到早前夫妻檔合拍新劇《羅密歐與祝英台》，他承認好唔慣亦有點抗拒，「我哋私底下以真實對話去講嘢，角色講慨嘢唔同我哋平時講慨嘢，即系帶住面具講嘢，會有少少唔習慣。」

雖然過程愉快，但阿Mo唔希望再有下次，「我哋不嬲都冇拗撬，工作更加冇！但我覺得夠㗎嘞！我同老婆慨關係比較需要去保護，同埋太多合作觀眾都會膩，亦難分別現實定戲劇世界，Aimee都想追求夢想，應該多啲同其他演員合作會好啲。」阿Mo透露Aimee會放低工作回歸家庭，除非遇到好合適劇本。

未完待續,請點擊「下一頁」繼續閱讀