娛樂
邵氏藝人逃亡潮！馬德鍾棄包薪 張兆輝組製作公司
邵氏藝人逃亡潮 馬德鍾棄包薪試新嘢 張兆輝組製作公司
疫情緩和各地開關，演藝工作逐步復甦，各地都出現搶人才，有資歷嘅藝人變得吃香，據知，邵氏旗下藝人最近出現逃亡潮，繼李施嬅低調完約離開後，5年前圓視帝夢，54歲的馬德鍾及在內地拍到唔少好作品的張兆輝，今年亦低調走人。
一眾資深演員亦排住隊走，包括做煮食節目《Gi味俱全》好受歡迎的黃淑儀及關菊英、河國榮及楊玉梅等，邵氏好彩仲有黃宗澤及王浩信頂住。
採訪：星島頭條娛樂組
在疫情期簽約成為包薪藝人的「親生仔」馬德鍾(馬神)生不逢時，除拍了網劇《飛虎3壯志英雄》外，主力安排拍返TVB劇。
3年間先後拍過《我家無難事》、《雙生陌生人》、《有種好男人》及未播出的《再見.枕邊人》，中間仲會返內地做直播帶貨及做綜藝「跑數」，有指「馬神」唔多Like，簽咗同冇簽分別不大，就算攞完視帝都決定走。
絕冇不滿做埋帶貨
馬神接受本報獨家訪問時坦言今年初已約滿離開，不過，卻否認不滿傳聞：「我冇講過，其他人嘅說話我唔評論，最重要唔係出自我口！我唔是非，係正能量BB，開心面對每一天。」
至於真正離開原因，他解釋：「Timing啱就做啱timing嘅嘢，同TVB關係仲係好好，只係轉個形式第時再合作。」他希望稍後中、港兩邊兼顧多啲，家開始傾job。
問到係咪挾住視帝之名出面好價啲？他即說：「唔好咁講，有好多視帝嘅，工作經驗都好重要，我喺呢行都30年喇，而且唔係睇錢份上，主要乜都想試嚇，好似做舞台劇、拍戲甚至做電台DJ都得。」
未完待續,請點擊「下一頁」繼續閱讀
文章來源：網易娛樂
