【東周封面故事】暗撻兩個月 郭柏妍 丁子朗「咿邑」斷正！

現年廿五歲、二零年港姐季軍郭柏妍，憑著仙氣外表和不做作的演技，去年在無綫劇集《下流上車族》中脫穎而出，既獲網民大讚，又勇奪《萬千星輝頒獎典禮》的「飛躍進步女藝員」。

郭柏妍有樣有學歷， 還是「A0女」（從未拍過拖），清純過蒸餾水。

不過，她跟丁子朗在《下》劇扮演情侶，傳出緋聞後，今月初又傳拍拖去音樂節，她還親自為男方編織頸鏈。難怪，盛傳兩人已暗撻兩個月。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

日前，兩人一同在油麻地拍攝新劇外景時，丁子朗上演一幕英雄救美，大顯神威，除了冧得女方報以「心心眼」之外；在等埋位時，他們更甜蜜地喁喁細語；

還有，拍攝完又孖公仔結伴一齊收工，愛火愈燒愈熱！

傳暗撻郭柏妍公然咿唈　丁子朗解畫：都系開心嘅！

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

TVB藝人丁子朗與郭柏妍因拍攝劇集《下流上車族》傳出緋聞，現時再情侶檔拍新劇《奪命提示》嘅2人被指日前開工時公然「咿唈」斷正，有指佢哋現身油麻地拍外景，期間丁子朗上演英雄救美，與刀手搏鬥，凼得郭柏妍展現心心眼。

鏡頭後2人即行埋一邊咬耳仔，細聲講大聲笑，男方講到肉緊時更自然出手揸實女方手臂，完全旁若無人，完成拍攝後仲孖公仔黐到實結伴離開。

有指其實丁子朗同郭柏妍已暗撻兩個月，有傳佢哋拍《下》時己互有好感，但由於丁子朗當時與戴祖儀緋聞鬧得熱哄哄，故令「A0」嘅郭柏妍卻步，直指男方了結感情轇轕後，2人於《奪》重遇再續情緣，結果一撻即著，一發不可收拾。

丁子朗對於被指與緋聞女友郭柏妍蜜會，他說：「好好笑，因為大家系開緊工，嗰日我哋一齊收工啫，收工之後再返公司開廠，不過都開心嘅，個劇都未上就有咁嘅宣傳，希望大家會支持個劇啦。」