隱形戰隊｜林子善拍爆肌戲 推120公斤重巨型車軚

林子善將在今晚（23日）播出的第14集無綫劇集《隱形戰隊》中爆肌上陣，展示健身多年的成果。

子善在社交平台上載他在劇中推巨型車軚的劇照，留言︰「拍呢場戲去到現場時候，一個80KG一個120KG。我問大佬你想我用邊個。『如果可以試嚇大一個先，真係唔得就細嗰個去做，子善量力而為唔好整親，但我對你有信心試一試。』同攝影師燈光師配合好，一切準備就緒全力以赴，效果好好安全非常值得。」

子善表示《隱形》監製文偉鴻給了他「信任」這兩個字，他將拍攝的每場戲都記在心內，一定要對得住所有人。

子善續說︰「成功與否不是自己造成，係有好多人盡全力製作，所以我做事做人嘅態度，常謙卑，懂感恩。文家班做嘢唔會揸流攤。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

隱形戰隊｜林子善扮阿旺整蠱劉佩玥未來後母 網民讚演技大躍進

TVB劇集《隱形戰隊》昨晚第13集焦點落在林子善飾演的囡囡身上，對Shadow（劉佩玥飾）有好感的囡囡，得悉Shadow被父親苛索再婚費用，加上發現Shadow未來後母太后生有騙財之嫌，遂與Shadow夾計嚇走未來後母。

2人直闖酒樓，在未來後母面前演出「悲情大龍鳳」，全程「阿旺」上身的囡囡不斷稱要食魚翅，又不斷用玩具車騷擾Shadow，吵著要見未來媽咪，嚇得未來後母急急離開。網民讚子善演技大躍進。

據知今晚播出的第14集，子善將爆肌上陣展示健身多年的成果。從官方社交網的預告片，滿身大汗的子善全程投入健身。其實早於劇集開拍前，子善與劉佩玥已互贈高帽。

劉佩玥對這位新拍檔讚不絕口︰「同子善正式第一次合作，拍嗰陣日對夜對，佢唔單止當我係阿妹，直情當我係佢個女，每一樣嘢都關懷備至到好窩心。有次我爸爸車我去拍攝現場，子善同我爸爸講：『Uncle我一定會睇住你個女，放心啦！』我真係好感動，佢唔係得個講字，真係對我好好，非常之好，好care我感受，好尊重我意見，真係講講嚇都想喊。」