慧妍雅集慈善晚會｜黃嘉雯身形健康豐滿 跟關楓馨斗性感

同樣性感的Fabienne笑言對今晚的戰衣一見鍾情：「我都系條裙靚同埋未試過著呢只色，著咗覺得自己似灰姑娘，我做好安全措施，我好有經驗。（系咪Fit咗？）我覺得自己肥咗，之前去咗台灣不停食，返嚟要控制飲食，食得清淡啲，我都唔夠膽上磅。（系咪同男友去？）唔系，同朋友去。」

而Carmaney就自認瘦了不少，因早前拍攝寵物節目，其中有一幕需要穿泳衣，她要極速減肥，問她現時身形是否Fit過選港姐時？她說：「唔系，以前太瘦，選港姐時瘦依家5公斤（約11磅），但當時好辛苦，日夜顛倒，依家肥啲好睇啲。」

對於無綫裁員？她表示剛剛才知道，問她會否擔心人工及工作量大減？她說：「都唔太擔心，大家依家都有工開。」Fabienne亦謂不太擔心：「近期都好忙，專注工作。（怕唔怕自己受影響？）我冇諗到咁遠，嚟緊有綜藝節目同劇工作。」