蟲草大王對TVB高層鬧爭不感到驚訝！爆李佳芯不回信息

問Mark有沒有跟樂易玲聯絡？他淡然說：「我同事處理緊，有都係聯絡我啲同事。（你與樂小姐有冇偈傾？）我又冇特別睇法，我覺得度度都係咁樣宣傳，試嚇囉，都係好事嚟嘅！」

談到他已轉到ViuTV落廣告，是不是已見效果？他說：「（ViuTV）係其中一個平台。（成績好過TVB？）冇咁快睇到嘅，啱啱過年，加上疫情嚴重，一時間冇咁快睇到（成績），呢輪廣告主力喺NFT方面，變咗產品廣告唔好太多。」

有網民認為樂易玲與無綫另一高層曾勵珍（珍姐）是時候退下火線，Mark大讚珍姐仍然靈活，他笑說：「佢（珍姐）個腦快過我喎，每次同佢開會，佢鬧我多啲，一啲都唔畀面我喎，講笑啦，佢畀好多意見我。（跟珍姐有偈傾？）有，朋友嚟㗎嘛！」

問到珍姐有沒有幫手調解事件，Mark續說：「咁又冇提起呢件事喎，冇必要拉一個冇關係嘅人入局，我又唔係想搞壞入面關係。」