視鍾嘉欣為學習對象！游嘉欣望虎年感情路上零的突破

樂易玲否認跟王祖藍不和 為「蟲草大王」陳恩德抽無綫廣告解畫

王祖藍近日被傳與TVB高層樂易玲、曾勵珍為鍾嘉欣未能奪視後鬧不和，意興闌珊帶無綫藝人到內地交流另謀發展。樂易玲今天（10日）出席《飛虎3壯志英雄》活動，對於被傳跟祖藍爆不和，她說：「幾十歲邊會嗌交啫？邊有交嗌？都冇咁嘅事，祖藍回應曬喇！因為佢（祖藍）話呢個唔係事實，都唔使講啦！（報道對你不公平？）做咗呢行幾多年呀？成日都見到呢啲嘢，都唔新鮮，係咪？有乜所謂啫？

我反而有睇佢（祖藍）詩篇嗰個post同like咗，佢寫得好好，大家喺呢行成日面對呢啲流言，雖然我哋話唔理，諗嚇都有影響心情，好彩大家忙到不得了，根本連靜落嚟時間都冇，我噚晚做到4點，今早就開會。（跟王祖藍通電話？）冇唔開心，今日先開完會，點會唔開心？日日對咁耐仲通電話，開會有視像。」

問到是否因視後獎項出現分歧？樂易玲說：「咁多年我哋有投票機制，呢啲大家唔好喺度講，如果再講機制，就明年講，我哋每一年都有講機制，每年有呢啲新聞係好，即係個個注意呢個獎項，都OK嘅，我哋做娛樂圈，冇新聞點會有娛樂呢？」