娛樂
中年好聲音決賽丨周吉佩奪冠等老婆獎勵 李佳屈居亞軍感失望 龍婷大熱倒灶認失准
龍婷大熱倒灶表示沒有失望，她心中大熱人選是周吉佩及李佳，承認唱第1首歌時發揮不太好，因4日前開始失聲，今晚開到聲已經好開心，稍後她將會舉行演唱會。問她會否到西洋菜街謝票？她稱是好提議，如果可以唱歌一早已經去了。
追問她與參賽者丁文俊的緋聞是否已成過去？她笑指對方是好好人，已經給他好人咭。之後她扯開話題說6年前第1次在西洋菜街Busking，現時比賽告一段落全新開始。
龍婷在昨晚（23日）《中年好聲音登峯之戰》大熱倒灶，3甲不入，只獲頒觀眾投票的「觀眾最愛好聲音」獎。她受訪時說︰「冇失望，覺得佢哋唱得好好，李佳同周吉佩本來就係唱得好好。而且我今日一直發揮得唔係咁好，攞到觀眾投票獎已經最開心。」龍婷自爆4日前突然失聲，今晚能在總決賽上開到聲已很開心。
李佳在昨晚（23日）《中年好聲音登峯之戰》屈居亞軍，她強調沒失望︰「事前冇諗過自己一定會入到三甲，雖然我係大熱門，但係比賽嘅嘢冇人知，而且今日大家狀態都咁好。（覺得自己臨場表現點？）我第一個出場，唔知係咪緊張，覺得可以做得再好啲，但出嚟嘅分數都唔低，我都好開心。（覺得自己輸喺邊度？）我唔覺得自己輸喺邊度，周吉佩今日真係唱得好好，我綵排時已經對佢好有信心，覺得佢一定入三甲。」
談到不少網民認為她應奪冠，李佳說︰「多謝大家支持，我冇失望，入到6強已經好開心，入到三甲係一個驚喜。」李佳坦言很有興趣加入娛樂圈，惟不會放棄歌唱老師的工作。
文章來源：網易娛樂
