入行66年零緋聞！石修學識抽離：只會思想上踩界

他續說：「其實我要感謝嘅人好多，當然有秋官鄭少秋。當年我胃炎暴瘦，由150磅跌到120磅，秋官好關心我，話知道九龍仔公園有個太極師傅，佢話同我一齊去學，第二朝6點幾，佢已經系九龍仔公園個亭等緊我。佢真系好有心，陪咗我兩個星期，仲鼓勵我繼續學落去，後來我真系好番，冇見秋官冇10年都有8年，上次合作喺2006年；至於黃元申，我都挂念佢，後來我去台灣拍戲，佢喺台灣住，我哋見過面，冇幾耐就聽到佢出家，到依家都冇見面。」

唔心急抱孫

兒子陳宇琛已結婚5年，但未有小孩，他笑言不心急抱孫。他說兒子入行接近20年，星途不算平坦，就當成是磨練，因很多人也是等待多年才突然遇上機會，亦未必一定會有。他說宇琛曾向他提及做「星二代」壓力大、又辛苦，因人人都會拿兩父子作比較，所以最好不要同場出現。

現在宇琛要兼顧幕前幕後工作，過去五年擔任過不少國際大型活動的編導，成績不錯。適逢情人節及元宵佳節，他表示全家人都是他的情人：「太太應該都幾滿意我，因為佢系屋企嘅財政管理員，我工作得嚟嘅系零用錢，太太全權負責（財政）系我對佢嘅信任。我不足嘅地方就系唔識送花同小禮物。我話『你嫁畀我，唔喺為咗嗰朵玫瑰花，我成個人都畀咗你，如果你需要，我可以將自己包起，扎條絲帶蝴蝶行過嚟，哈哈哈！』大家日日都系快樂情人節。」