前TVB人氣花旦拒做虎媽！結婚8年首公開夫妻長Keep熱戀秘訣

另外，夫妻間要保持拖手仔及每周有一日拍拖時間，要多啲交流及傾偈；而且記住一個人冇完美，就算髮生乜事都唔可以放棄對方。

老公心目中「女神」

Linda唔止身形fit到漏，仲愈嚟愈靚，她堅持就算做咗人母，身心都要Keep住靚，要保持做面部提升及運動，食有營養食物，多飲湯水，另外要有正面思想，遠離負能量：「尤其人愈大，要清楚知道乜嘢係值得花時間，唔重要嘅事情就要放低。」

問到是否老公心目中的「女神」？她笑說：「應該係啩，否則佢唔會娶我！」

語畢Linda忍唔住放閃，再爆老公嘅甜言蜜語：「佢好多時話『老婆你好靚』，仲時不時會讚嚇我『好幸運有你做我老婆』，不過結婚8年，大家都老夫老妻，老公唔會心心眼望住我，大家只會手牽手，希望健健康康一齊生活，好好培養3子女，等佢哋有一個安全地方成長。」

點都唔會放棄唱歌

育有兩女一子的Linda形容人生太美滿：「每日我會同小朋友講『我愛你』，儘量畀5至10分鐘單獨play time佢哋，唔會偏心，好彩因為有3個，佢哋學會share。」

Linda唔做虎媽，平衡到休息及學習時間，她亦唔拒抗子女將來加入娛樂圈，會交畀個天安排，由佢哋自由發揮。𠵱家兩公婆親自照顧小朋友，所以需要長時間的工作，如返港拍劇，除非全家一齊飛返嚟，否則未必會拍：「只要一家人喺埋一齊就會舒服，最多兩周左右短暫嘅分離。」

不過，Linda堅持唔會放棄唱歌：「唱歌係我一世都鍾意做嘅嘢，尤其作曲及填詞，我有14首創作，最近都有作品，有時間會推出。」

責任編輯：