娛樂
TVB再有確診病例！「聲夢」潘靜文與新聞台幕後都有中招
Patrick Sir與關宛珊的囝囝只得10個月大，他接受訪問時坦言已收到公司的通知，更說：「藝員部好快速咁打咗電話嚟通知我哋，好彩屋企都有快速測試劑，頭先我同太太都驗咗一次，結果呈陰性，等陣間我哋會再做多次以防萬一。（擔唔擔心？）自然啦！屋企有小朋友嘛，我哋希望大家都冇事，咁潘靜文都系初步（確診）啫，或者出錯冇事呢！」
TVB娛樂新聞台幕後初步確診全台停廠徹底消毒
新冠肺炎持續擴散，TVB繼昨日（16日）《聲夢》學員潘靜文、主持兒童節目《Hands Up》的伍文生經檢測初步確診，今晨（17日）再有一位娛樂新聞台國語台的幕後人員，證實初步確診，娛樂新聞台即時停廠一日，全廠要徹底消毒，該台所有員工不能返公司，並且要在家接受快速測試等候通知。
據知，今次停廠不會令常規節目受影響，因娛樂新聞台有鑒近期疫情肆虐，早已拍下存貨節目，以備不時之需。
對於娛樂新聞台有員工中招，該台主持周奕瑋回覆：「我即刻Check咗喇，冇事，咁本身自己都冇唔舒服，同埋一直都好小心防疫，呢幾日都有開工，但就冇同嗰位同事接觸過嘅，之後都會繼續小心防疫。」
而身為主播的吳紫韻則表示：「本身我要做廠，但收到通知停廠，因為我哋做嘢嘅地方都要全面消毒，公司都會為返工嘅同事提供快速測試 其餘嘅嘢都系等通知。」
文章來源：網易娛樂
