三港姐抗拒找備胎！開心受重用為事業不戀愛

至於梁凱晴期待儘快拍劇：「聽聞公司稍後會安排我客串，體驗一嚇拍劇，希望演出前可以上到藝員訓練班。」

原來有打開泰拳嘅梁凱晴中王君馨打女空缺，好想拍打戲。

而邵初主持《識貨2》玩遊戲時投入到冇曬港姐包袱，令觀眾有驚喜。

她開心說：「公司畀機會就要盡力，唔會因為係港姐唔可以Fun，而且有少少係做返自己，我本身係個開朗嘅人，好開心能帶出歡樂，如果全程要丁字腳賣嘢會好攰。」

唔可以利用人感情

講到三人唔止有樣有身材，仲係高學歷，應該有唔少桃花。三人卻堅稱以事業為重冇諗過拍拖。Sabrina強調冇人追；梁凱晴認為要以事業行先；邵初覺得女性都要有事業，感情隨緣。當問到唔拍拖，但會唔會「收兵」？三人即耍手擰頭Say No。

梁凱晴強調冇試過；Sabrina反對說：「我冇呢個概念，嘥埋自己時間。」邵初對呢種行為好反感：「唔好利用人感情，咁對人唔好，唔得㗎！」

Sabrina還自爆：「我哋習慣咗自力更新，我甚至會自己搬傢俬。」梁凱晴及邵初強調三人會互相照顧，唔使要「兵仔」。