曾被劉穎鏇冷落終融化！梁舜燕孫仔阮浩棕上位變「女神收割機」

繼在《隱門》與劉佩玥演情侶，阮浩棕今次再與劉穎鏇飾演一對，升呢「新一代女神收割機」。談到與劉穎鏇合作，阮浩棕笑言：「最初覺得佢唔係好講嘢有啲高冷，後來發現原來只係佢怕凍，喺廠入面凍到唔願出聲！」

劉穎鏇之前在《超能使者》及《隱形戰隊》中打得又睇得贏盡眼球，今次在新劇中飾演二幫花旦兼動作替身演員的她，坦言事前從未接觸過粵劇：「從來冇想像過自己會演粵劇，事前都有專誠搵唱開大戲嘅Auntie請教唱粵劇腔同埋造手，現場亦有師傅指導同調整我嘅動作，希望儘量模仿到個神韻。」

劉穎鏇又大呼化粵劇妝有新鮮感：「每次整頭加化妝都起碼要兩個鍾，唔單止化妝好特別，就連黐頭髮都好得意，會用一啲植物去整到個假髮好黏。其實落妝都唔太難，但要慢慢咁捽走啲色。」

化了粵劇妝的劉穎鏇令人有煥然一新感覺，提到劇中動作場口，她直指與之前的打戲有分別：「相比之前嘅埋身打鬥，今次主要係挑戰揸住劍嚟打，都有一定難度。」

至於曾在《新四十二章》中挑戰邪氣 Ronald 的吳子沖，今次會一改Cool爆形象飾演戲班樂師呂智傑，熱愛靈探的他更會鬧出不少搞笑事，值得期待。

曾強調自己熱愛唱歌的張振朗，是次獻聲為《靈戲逼人》獻唱插曲《似夢迷離》，並伙拍《聲夢》首屆畢業生潘靜文（Sherman）合唱，獲讚「中年好聲音」之餘，更被指與知名音樂人Johnny Yim「撞頭」，另還有網民搞笑「召喚」龔嘉欣加入獻聲：「佢唱過《愛情故事》（《香港愛情故事》插曲）唔差。」