謝天華「狠心」離港8個月！網民提議開拍《皆大歡喜》續集

「狠心」離港8個月！謝天華自認不孝子

薛家燕、范振鋒和思敏逢周六於電台節目改了用ZOOM做直播，邀請了久未在港露面的謝天華做嘉賓。早前在內地忙完綜藝節目《披荊斬棘的哥哥》及《大灣仔的夜》的天華，趕返香港與家人過年，並答應家燕上節目大談近況。

離港8個月的天華坦言掛住老婆仔女：「上去時間一定長，唔可以隨時搭飛機返香港，返嚟又要隔離，隔離28日我都試過。其實上面仲有工作，做完《大灣仔》返嚟香港過年、過節，我覺得自己系不孝子，搵食無可避免。」

天華回港時打算給小朋友驚喜，叫太太不要告訴孩子，7歲的大仔天天，看到爸爸回家時，竟呆了兩秒，如在夢中。提到拍攝《披荊斬棘的哥哥》時，與小春、林曉峰、MC Jin同房。

他說：「我由細到大未試過同其他人住宿舍，四條麻甩佬同房，仲要被人警告唔好講咁多廣東話，我哋話儘量，但轉頭又唔記得，我哋基本上冇早瞓過……宿舍系好懷念，歡樂時光特別快，拍完之後個宿舍要拆，好多回憶，收工大家喺度Man』Stalk。」

家燕搞笑問：「都系講女人嗎？」天華哈哈大笑說：「女人講家燕姐，講家燕姐都講一個通宵啦！」

家燕講到天華於《披荊斬棘的哥哥》和《大灣仔》廚藝了得，他謙虛話：「講真，我哋一啲都唔叻，當我哋要經營餐廳系幼稚園，屋企煮飯食都ok，開門做生意煮嘢畀人食系兩碼子事，低估咗件事，開餐廳四條友煮嘢食，同客人傾嚇偈，一起身就要拍，邊個系店長？邊個負責買餸？廚房廚具、碗碗碟碟都系自己買，真系攰到死……」

家燕在演唱會邀請了天華當嘉賓及伴舞，她說：「好多人睇咗我哋part舞都贊，反應好好，本來有幾場巡迴都想請天華，我驚又肥咗佢抱唔起，又驚唔記得點跳。」天華笑說：「我哋改動作，改踎低，最後嗰part可以改家燕姐抱番我，哈哈……。」

未完待續,請點擊「下一頁」繼續閱讀