TVB停止拍攝所有劇集！力捧小生周嘉洛今早確診

周嘉洛同樣有份參與拍攝嘅處境劇《愛．回家之開心速遞》未知系咪繼續開工，見周嘉洛「媽咪」滕麗名曬出自拍照。

她留言指「一班《愛回家》嘅演員及台前幕後工作人員喺疫情嘅高峰期，依然無怨無悔日夜工作，呢個時間為嘅當然唔系搵錢……系使命感……請懂得欣賞我們全體員工的努力我們的堅持。」似乎未受周嘉洛確診影響。

而在TVB劇集《回歸》、《曙光》與周嘉洛飾演父子嘅郭晉安，對於嘉洛「中招」，郭晉安表示：「一個星期前同嘉洛拍過戲，其實拍呢套戲以嚟，自己每朝都會做一次檢測，因為屋企有小朋友，所以呢啲錢唔慳得，我哋嘅職業系要除咗口罩開工，所以每日都做檢測，萬一發現有菌，都嚟得切隔離，希望嘉洛冇事啦。」安仔又贊公司停止所有戲劇組拍攝進行清潔、消毒，反應相當迅速。