TVB停廠日燒200萬！找「倉底貨」劇集頂檔

另一套已於去年12月在myTV Gold播畢的《凶宅清潔師》，亦隨時會於《飛虎3壯志英雄》播畢後推出，但由於屬靈異題材，當中有不少驚嚇場口，要經過審批及剪輯才能出街。

《凶》劇監製兼男主角洪永城受訪時說：「我都未知實際情況，就算播都要經過多重審核，等公司再安排。」其餘已完成後期製作、可隨時播出的劇集還有《金宵大廈2》、《黯夜守護者》及《OPM》等。

對於《食》劇即將在翡翠台播出，主角江嘉敏、陳曉華及朱智賢都表示開心及期待，江嘉敏受訪時說：「之前喺myTV Gold播，呢個系貴Plan，唔系咁多人睇到，依家有得喺翡翠台播當然好開心！」

剛拍畢《四十二章經》的她，正籌備開拍回歸劇其中一個單元：「套劇未開工，但圍讀同造型都搞掂曬，依家熟讀劇本先，因為好多場戲嘅對白都好深情，要努力鑽研嚇。」

陳曉華則說：「我之前冇喺網上睇，因為希望同電視觀眾同步睇，劇入面我系一個網紅，外表系斯文女神，但內里其實好豪邁，仲第一次以校服造型見大家。」

至於朱智賢亦力撐劇集題材新鮮：「好似話系公司第一次拍喪屍劇，依家喪屍題材好Hit，希望大家鍾意。劇入面都有啲同疫情有關，講市民搶物資，好貼地。」

此外，被爆染疫的《破毒強人》視後胡定欣，昨日在社交網報平安，透露數天前已確診，現時身體已無大礙，逐漸康復，不少Fans都送上祝福。