娛樂
陳瀅自嘲太肥難找替身！蔡思貝坦言打到勁挫敗
劇中槍戰連場，陳瀅透露事前還用了一整天學開槍：「比我想像中難，睇戲時覺得單手開槍好瀟灑，但其實好難，因為支槍嘅扳機好硬，開槍唔眨眼又系非常之難。」
陳瀅又指因是第一次拍開槍戲，故不知道要戴耳塞自我保護，Bosco見狀竟即場送贈她兩個耳塞，獲陳瀅大讚好sweet：「佢準備咗啲肉色耳塞，因為冇咁易穿崩，嗰嚇真系好sweet，所以平時點恰我都由佢啦！」
思貝則笑言拍槍戰拍到慣曬：「我自己就算戴咗耳塞，啲響聲都系好入耳，會Feel 到耳膜有震動。」
對思貝來說，最難忘是商場槍戰場口：「因為喺室內，個迴音好犀利，耳仔真系嗡嗡聲，仲要個個四方八面咁開槍！」
談到拍得最辛苦場口，陳瀅指是潛入豪宅一幕，除了因為戲服非常性感，還因為很多動作場口都要親自上陣，陳瀅更暗踩自己偏肥：「我呢個身形得我自己有，因為通常替身都好瘦，所以唔得呀，好多動作自己做番！最深刻系要著住好高嘅高踭鞋，仲要好快咁跑兩條街。大家都叫我唔好跌，如果扭親就唔知點算，我惟有搏老命咁跑得好快，好彩最後冇扭親，真系好唔容易！」
身為「視後」的思貝則坦言拍攝動作場面讓她感到挫敗：「佢哋要求我做得乾凈利落，但我每日都覺得好慚愧，覺得自己做得唔好、做唔到。」
不過由於有很好的拍攝團隊支援，令思貝留下不少難忘拍攝回憶：「好似商場場戲，要短跑100米衝過去，之後要打觔斗，再起番身對住上面射槍，個攝影師系揸住部攝錄機陪我跑，好好玩成件事，好似打機咁！」
子羚則對綁架戲最難忘，談到Ron在劇中英雄救美，她說：「子樂（吳卓羲飾演角色）喺套劇入面系正嘅！」
另談到與郭晉安繼《與敵同行》後再續兄妹情，子羚笑言：「隔咗咁多年之後，我見到佢都系叫阿哥，到依家再合作番，變得更加親切，真系好似我哥哥咁。」
文章來源：網易娛樂
