娛樂
蔡思貝一原因用針拮自己！與何廣沛同期出道首度合作
蔡思貝自針領悟針炙最佳力度
蔡思貝、何廣沛在劇中同樣飾演中醫師，由於在劇中有不少把脈、針灸、推拿等場口，兩人事前獲劇組安排學習中醫知識。在《跳躍生命線》和《白色強人》分別飾演過救護員和西醫的何廣沛，受訪時坦言中醫師比較難演，他說：「角色嘅對白係非常難，有好多學術上嘅用詞、四字成語同埋藥材名，都真係幾蹺口巉手，所以背劇本要花好多功力。」
提到難忘的場口，何廣沛笑言：「第一次畀游嘉欣針灸，大家都好慌失失，游嘉欣仲針到唔見咗支針，情境都好搞笑！之後有一場戲係我幫思貝針，咁啱嗰場戲要喺個難啲嘅穴位到施針，搞到NG咗好多次，我都好唔好意思，因為拮咗佢好多次！」
蔡思貝則以「自針」來感受針灸感覺，她說：「拍攝前上咗兩、三堂學習針灸嘅手勢，之後我提議針落自己度感受嚇係點，其實只要夠狠一嚇針落去，唔好慢慢落針，個痛感只係好似畀人細細力咁搣。」
兩位主角蔡思貝、何廣沛雖然差不多同期出道，但兩人今次是首次合作，廣沛大讚思貝是好拍檔：「同佢合作係非常之好，大家嘅狀態都好Good，佢係一個好有想法嘅演員，同埋情感都好豐富，今次我哋演嘅角色唔係普通嘅情侶，關係比較複雜，好彩有思貝做我拍檔。」
蔡思貝亦夸何廣沛是好對手，她說：「佢好Nice，會Take Care身邊所有對手，佢會令你覺得同佢拍嘢好舒服，緊張感好快就冇咗。」
蔡思貝大改以往型格造型
在劇中飾演女強人的蔡思貝今次一改以往短髮型格造型，以中長髮仙氣Look大曬女人味，令人耳目一新。
蔡思貝還自揭長髮的秘密：「開呢套劇時仲未能夠完全用自己嘅真頭髮，所以後尾要用髮片駁長啲頭髮，但呢個係好頭痕嘅事，因為要每日都Make Sure個長度係咪連戲。短頭髮我都唔係唔鍾意，因為容易畀人認得，我都好鍾意百變嘅感覺。」
文章來源：網易娛樂
