林峯獲過百Edan粉絲唱《愛不疚》夾道歡迎 大爆囡囡入讀K1全交老婆負責
林峯、蔡卓妍（阿Sa）、MIRROR成員呂爵安（Edan）、朱鑑然及吳肇軒今晚出席品牌活動，現場吸引過百「爵屎」（Edan粉絲）到場支持偶像。
早前阿Sa被爆出跟富三代男友石恆聰已分手，阿Sa出席活動前表明不接受訪問，不過她面帶笑容亮相，似乎心情不錯。
最搞笑林峯出場時獲得在場「雀屎」合唱歌曲《愛不疚》歡迎他，相當爆笑。對於獲「雀屎」唱歌歡迎他，林峯說：「我好快有新歌喇！好感動。」
林峯透露早前在馬來西亞拍攝新劇《家族榮耀之繼承者》，稍後會在香港拍攝兩星期，10月後也會返內地拍電影，明年下半年則籌備巡迴演唱會，亦很期待開拍電影《神探2》。
提到太太張馨月帶同囡囡「格格」Luna到馬來面西亞探班，相當受歡迎；林峯笑指囡囡性格活潑兼不怕丑，社交能力強，而且喜歡同人玩。
文章來源：TVB資訊台 W博：@香港TVB資訊台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
有網民認為太太張馨予帶同囡囡前來探班會影響拍攝，林峯即否認，又認為要工作經常周圍去，可以爭取時間陪伴小朋友成長。
林峯拒囡囡做演唱會嘉賓
林峯說：「囡囡依家讀K1，讀書方面會由老婆幫佢搞，而家啲功課越嚟越難，家長都跟唔到，幼稚園功課都應付到。我有幫囡囡揀學校，好多我去籌備。」
林峯表示囡囡在學校做勞作後送給他，所以會收藏好。而囡囡喜歡跳舞，亦覺得跳舞對形態有幫助，又謂現時居住上海，去年參與節目《披荊斬棘》認識到一些老師，待囡囡長大一點才安排上堂。問到會否讓囡囡在巡迴演唱會任嘉賓？林峯即說睇騷可以，上台就不會。
Edan爆Anson Lo大鼻鼾
Edan表示將會跟MIRROR成員合體將會到澳洲拍攝綜藝節目，雖然好期待，但又好緊張，因為本身畏高，不過當地出名跳降傘，亦好開心成班一齊住大屋。
問到想跟那位成員同房？他說：「好多人可以同房，邊個都無所謂！我單獨房都得，真係要揀一個就揀Jer，因為大家喜歡打機。（唔使瞓？）聽聞都要好早起身。（唔想同邊個同房？）Anson Lo好大鼻鼾，講笑！」
提到Edan在演唱會上疑似將姜濤擺上檯，惹來「薑糖」（姜濤粉絲）不滿，就連妹妹亦無辜被鬧。Edan坦言未有聽聞，但認為haters有不滿不能夠控制，大家明白就會明白，亦不想太多負能量。
Edan說：「我阿妹心臟強大，我成日話佢肥。（妹妹EQ高過你？）EQ都好，自細阿媽教導出嚟，我哋EQ好好。」
未完待续,请点击「下一页」继续阅读
{nextpage}Edan細個林峯聽
有指新歌MV在網上影音平台，近九成dislike，疑似haters所為，Edan說：「我唔會好在意，如果首歌好多人Dislike應該會收到好多人同我講好差，但又收唔到。我一笑置之，唔會影響到我，出首歌原意唔係要好多like。」
提到在場「爵屎」合唱歡迎林峯，Edan笑言小時候也有聽林峯的歌曲，還大讚對方好青春又玩得。他說：「佢首《Chok》都好出名，中學時表演都有唱佢啲歌，佢唱歌真係好聽。」