黃翠如飛馬來西亞開工 隔離中扮食陽光補充維他命D

黃翠如去年8月疑受情緒困擾停工，繼去年10月北上尋夫會合當時在內地工作的蕭正楠，度假3個月恢復開朗心情回港後，最近她終於復工，遠走到馬來西亞。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

黃翠如在社交網上載陽光下素顏自拍照和片段，片段中她口擘擘扮食陽光，留言：「隔離中，也要吃陽光。#維他命D餐」，好友楊潮凱笑她：「唔好放棄治療呀」；陳山聰問她：「做咩又隔離？」她回：「做嘢呀～」。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

之後又有坐飛機的片段，翠如留言：「終於，我飛了。喺我最鍾意嘅天空旁邊，同你玩個遊戲」。

片段中她用字幕和手勢叫大家猜她飛去哪？網民很快就答中是馬來西亞。其實此行除出席代言活動，翠如還順道探望好友，她接受傳媒訪問時透露預計逗留一個月。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

李司棋撞樣《奇幻魔法屋》主角 邊食邊睇勁寫意

李司棋（司棋姐）一向貼地又跟得上潮流，連網民熱話她也跟得很貼。早前迪士尼動畫《奇幻魔法屋》（《魔法滿屋》）於串流平台上架，女主角Mirabel因為一頭曲髮加埋副眼鏡，被網民指直情好似動畫版司棋姐咁。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

而昨日（12日）司棋姐就在家中用平板電腦，收看這套動畫，仲邊食煙燻火腿邊睇，真係好寫意，仲留言表示：「估下我睇緊咩……」

網民睇見都留言答她：「睇緊你自己主演嘅卡通」、「係卡通李司棋阿」、「一直覺得應該搵司棋姐你配音」，其實早於這套動畫在串流平台上架，已有網民話難以投入，因為個主角真係好似司棋姐呀！

估唔到司棋姐都知網民心聲，自己都睇嚇係咪真係咁似，好搞笑呀！