羅子溢為湊B變野人大爆囡囡貪靚到暈

藝人羅子溢主演的劇集《家族榮耀》在港推出時撞正第5波疫情爆發，令原本打算全力協助宣傳的他不得要領，因為仔細老婆嫩，惟有即時暫停所有工作，閉關專心照顧小朋友。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

今日（13日）他於社交平台上載與囡囡及囝囝的互動照，且留言：「爸爸的日與夜…#鬍鬚愈來愈長#每日聽得最多就爸爸爸爸！」

他接受東網訪問自嘲說：「我自己頭髮同鬍鬚都冇搞過，好似野人咁，反而學識幫個大女剪指甲，老婆就負責囡囡嘅髮型，我哋變身個女嘅御用美容師。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他又大爆「小珍珠」從小貪靚：「好多小朋友聽到剪髮都喊，我哋就同佢講，剪完就靚曬，所以佢從來都冇扭計㗎！」

由於疫情關係，其主演新劇將延至4月開鏡：「依家喺屋企，現階段昵埋收身，配合角色造型。暫時冇工開都有另類得著，幾開心能夠爭取時間同小朋友相處，追番當日因開工冇得陪剛出世嘅囡囡。（仔仔叫咩名？）唔講喇，我哋都系叫佢細佬咋。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

湯怡甜哂囡囡出浴照：你著Bikini一定好可愛！

藝人湯怡同老公麥秋成自舊年誕下囡囡「麥QQ」，一家都溫馨又甜蜜，而湯怡仲為寶貝囡「麥QQ」開設社交專頁，同大家分享囡囡嘅得意相同生活趣事。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

尋日（12日）佢就上載一張幫囡囡洗白白嘅照片，相中見佢幫囡囡洗緊頭，而麥QQ就好肉緊咁合埋對眼仔，非常搞笑！

湯怡仲喺貼文寫到：「呢個小朋友洗白白最開心，啲水倒頭淋都唔驚，爸爸媽媽遲啲帶你去游水玩水，你著住Bikini一定好可愛姐！」唔少網民見相都大讚麥QQ好可愛，仲話好期待睇到佢嘅得意Bikini相！