被暗戀11年︱TVB「御用小妹」獲「星級設計師」示愛　感動到哭泣

由於曾受過情傷，對於突然有異性當面示愛，Bella即被感動得眼濕濕，結果雙方一拍即合，促成了合作事宜。拍攝當日，Bella於鏡頭前一副冧樣，並說：「你終於同我示愛！」雙方也默契十足，Tim眼見對方的反應亦深受感動，認為透過拍攝拉近了雙方距離，可謂又驚又喜。

慢慢等緣分到

東網昨日（19日）向Bella求證被暗戀一事，她受訪時有點靦腆：「佢講笑啫！大家千祈唔好信！（你喺條片入面都好感動喎！）感動系佢支持咗個節目咁多年。（佢話暗戀咗你11年咁耐？）哈？佢有女朋友㗎！同埋之前佢都借過間屋企出嚟拍節目。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到舊愛伍富橋宣布婚訊，問到Bella有否也心急想搵另一半？她說：「咁又冇諗。（有冇恭喜佢？）透過大家幫我恭喜囉！其實依家專注事業，感情事唔系好急，遇到啱先算，身邊朋友都好落力想介紹男仔畀我，但我怕陌生人，加上疫情冇得出街，所以慢慢等緣分到來。」

而對Bella心心眼的Tim受訪時繼續狂贊對方：「喺呢個行業上我只鍾意呢個女仔。（你有女朋友喎！）咁男人心目中都可以有女神啫！（想點追人？）哎呀！其他嘢唔講太多，畀啲私人空間我啦！」

Tim於室內設計行業中相當出色，40歲出頭已於業界打滾了18年，懂得風水命理，曾為客戶解決家居有關方面的疑難，其後為了專注室內設計業務，才毅然離開已累積10年經驗的玄學命理行業，之後更開設家俬廠房，並為客人提供由設計、裝修到訂造家俬一條龍服務。