原標題：鄧智堅爆戲外被佘詩曼「杯葛」！見證馬國明真情流露有奸樣

鄧智堅爆戲外被佘詩曼「杯葛」 見證馬國明真情流露有奸樣

被喻為廖啟智接班人的鄧智堅，今年初憑劇集《下流上車族》奪得TVB台慶「最佳男配」， 最近他在台慶劇《新聞女王》中跟視帝馬國明及視後佘詩曼大斗戲法。

他自爆戲外被阿佘「杯葛」，唔會跟他圍爐食飯，唯有轉軚黐住馬明，被李施嬅取笑兩人似足卡通人物中的「大小不良」。

採訪：方騫平 攝影：譚志光

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

劇中鄧智堅演A字膊，又喜邀功的「飛爺」，為鞏權位常煽風點火挑撥離間，玩弄辧公室政治，角色好乞人憎，跟《下流上車族》嘅溫情小品大不同。

唔容易導觀眾入局，他坦言處理角色上係會有難度，最難係放低上次成功嘅作品，接受新的挑戰，就算角色唔多討好，都想觀眾又愛又恨。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

成為男配後的鄧智堅承認會壓力大咗，幸而阿佘好nice，不時「萬歲」嚟提高大家工作士氣：「阿佘為咗增加同『文家軍』溝通，就算休息、放飯、做宣傳、影合照都會同『佐治軍』分開，既然佢哋已有隊形，我費事行過去啦，等佢哋keep返住個氛圍，所以通常我會同馬明一齊食飯及飲咖啡，不過，阿佘都會請埋我哋食鮑魚及燉湯，煞科時大家才攬頭攬頸。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

提到難忘場口，鄧智堅指有場戲馬明用秘密武器來治阿佘，令阿佘無地自容，cut機後鄧智堅見證馬明真情流露笑到面都紅埋，展露少見的攻心計樣。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

另外，鄧智堅為配合角色係咁飲珍珠奶茶來減壓，每逢拍辦公室戲時每日飲足十幾小時，搞到蛀牙造成永久傷害，笑言係工傷。

從智叔身上學演戲

另外，網友大讚鄧智堅的演技，有機會成為智叔接班人，鄧智堅不敢跟前輩比較，過往他曾跟智叔合作過舞台劇《獨坐婚姻介紹所》，從他身上學會將生活感放入舞台上，而且每次演出也會有些微變化。