前排鄧佩儀Gloria宣布自己

攞到畢業證並繼續留喺海外

好多人都好可惜

「TVB又少個靚女」啦

最近佢突然

化身歌手發新歌喔

雖然係翻唱韋禮安嘅《如果可以》

但有唱出自己獨特的感情

令網友好驚喜

除此之外

Gloria仲好大手筆拍MV

仲請韓國靚男做男主角

片中兩人互動默契

對視、背靠背、吹泡泡

粉紅泡泡氛圍感拉滿

猶如一對真實情侶咁

據悉男方專長係寫歌

二人外形相襯、互動自然

大家都差啲以為

佢哋要官宣戀情咯

其實今次嘅大片

係Gloria特意喺生日月

為粉絲準備嘅驚喜嚟噶

一直寵粉嘅Gloria

今次真係幾用心喔

MV一發出嚟

圈中唔少朋友都點贊鼓勵

「莉莉」譚嘉儀都有份留言話：

「好用心嘅製作，正！」

話說呢

自從《降魔的》拍過檔之後

佢哋兩個就經常一起演出

喺《流行經典50年》節目裡面

齊齊唱跳《隆重登場》

熱辣勁舞好流暢

唱歌一啲都唔喘噶

雖然Gloria唔拍劇

但平時中意唱歌嘅佢

今次又出歌又拍MV

唔通真係想往音樂方面發展？

有網友就大膽dream佢

想學譚嘉儀咁客串劇集歌曲

然後順便做埋「OST女王」~

~well~

佢在海外生活

一直都keep住分享自己生活噶

心情望落都唔錯

希望佢可以一直做

自己鍾意的事啦！

來源：可樂生活Color微信公眾號

編輯：張子殷

審核：曾敏妍

簽發：駱苹