突發！TVB新晉小花淚灑現場，否認工作過勞導致生病跌倒

譚俊彥盡顯暖男一面

其後Shaun加入傍實Gigi做訪問，他先脫去外套披在Gigi腳上盡顯暖男一面。Shaun大讚對方：「佢頭先好淡定，我今日本來系想同佢傾嚇偈，因為喺台慶見到佢唱歌覺得好奇妙，我上台5分鐘已經唔記得曬啲Step，佢一出嚟就好壓場，我個女都有睇佢，所以想同佢傾偈了解嚇佢，攞啲教女嘅方向。點知未傾偈，就嚇親我。」

指他對Gigi照顧有加，他笑言自己湊開小朋友：「我怕佢唔小心走光，所以喺前邊擋住，跟住就扶起佢。（你好暖男。）系爸爸，應該咁做。」Gigi亦坦言對Shaun的舉動大為感動。

問Shaun在唱歌上會否趁機向Gigi偷師？他說：「唱歌冇得偷師，系個天畀嘅才能。（見到小妹妹做到病會唔會好心痛？）當然心痛，佢要慢慢學識照顧自己，大家唔好畀咁多壓力佢。」

他又指想跟對方拍劇：「唱歌方面我就幫佢唔到，但如果拍劇佢有咩需要都隨時可以問我。」

Gigi強調會視乎身體狀況再決定是否向公司請假，今晚（21日）她還要出席《青春本我》的慰勞宴，她說：「今晚個活動我好想去，因為好有意義，我每個活動都儘量出席，唔想失場。（你個人太倔強？）有時都需要硬頸啲。」

炎明熹否認工作過勞導致生病跌倒：唔覺自己冇放假

炎明熹（Gigi）與譚俊彥（Shaun）一起出席商演活動，不過Gigi因生病，令活動延遲開始，期間更不慎跌倒，事後Gigi接受傳媒訪問：「講起跌低真係好瘀，就係有少少腳軟，之後就跌低，然後有一位暖心男神就出現咗。」在旁的Shaun續說：「我係驚佢著裙就走光，我一路同佢講，『妳好多Fans喺到，冇事嘅，好小事』。」

Gigi工作忙不停，又唱歌、拍劇和商演等，這是令她休息不夠的主要原因，她說：「我覺得唔關工作事，我唔覺得自己冇放過假，如果你話係咪工作令到自己咁，我又唔覺，因為呢個工作係我興趣，所以唔覺自己冇放假。」