TVB上位小花回應住豪宅好有錢！龍年望進軍一廠

德德每年利是錢都幾多，父母最多試過畀$5,000，收利是當然收得多，但今年是德德入行後第一年派利是，她特製了兩款「德」字利是封，笑言興奮又緊張：「利是封后面寫埋我好想多謝大家，同埋對大家嘅祝福語，我系好有心思，有冇人讚自己好有心思㗎 ？哈哈，希望大家感受到我嘅心意！」

並謂：「我上年已經想派，好想多謝返每一個幫過我嘅人，雖然啲人成日話我屋企有錢，但系我希望大家留意返，啲錢系我自己攞出嚟派畀大家，多謝大家！」

龍年望進軍一廠　做大騷司儀

不過德德亦留意到，有觀眾說她普通話可以講好一些，她於是就去學普通話增進自己，往司儀方向繼續進發。訪問做到半路，德德突然「呀！」了一聲，然後說今年最開心訪問了劉德華、林家棟。

並獲得很多好評：「做一個訪問系好難收到好評，尤其是我呢啲誇張派，大聲少少或者笑得開心啲，啲人已經覺得太Over，但有時做綜藝節目就系需要呢樣野去增加個氣氛，令人的覺得開心，所以有時都Adjust緊個程度。啲人睇完足本版竟然讚我！最開心系⋯⋯哈哈哈哈！佢的覺得我喺佢的面前都冇怯場，好淡定，個笑都OK唔會太多，我覺得好開心！」

不過德德都坦言，新一年其中一個目標，是主持節目時不要只顧住大笑，「有觀眾話見到我做主持就覺得有個開心嘅氛圍，呢個系真性情，但系有啲觀眾覺得Over左，我而家都拿捏緊，呢個都系我目標。」

除此之外，她希望綜藝、司儀、劇集三線發展，但目前會先做好主持工作先，因此她第二個目標就是希望向一廠進發，做大Show司儀，祝德德心想事成！