陳貝兒身價暴升吸金7位數　升呢女神級遇狂迷示愛

她透過長途電話受訪，聲音沙啞尤為明顯，她坦言﹕「系之前應承落嘅，唔想再拖人哋，惟有頂硬上完成埋。過去3月我冇放過假，去咗湖南、成都、廣州及北京拍咗4個節目，亦有大學邀請作學術交流，多謝大家嘅支持。」

外界盛傳她身價「幾級跳」，有指她折返內地約4個月，保守估計已賺得7位數，「第1桶金」早已在手，但談到收入問題，陳貝兒只淡然謂：「老土啲講，有啲嘢唔系金錢可以衡量嘅，我都話唔到畀大家聽實際搵咗幾多，因為仲未埋單計數。」

升呢女神級的她早前於長城拍攝節目期間，竟遇上中年男粉絲尾隨「示愛」：「佢文青feel嘅，只系企好遠咁望，等收工就送心意咭俾我，上面有佢創作嘅詩句。（陌生人咁樣，妳唔驚？）冇嘢喎，同我之前去採訪世界盃嘅球迷比較，佢已經好斯文啦。」