TVB視帝自爆老婆有追劇！她說我扮女人很靚

王浩信笑說：「幫你哋開年！兩套劇唔同類型，佢嗰套都好難演，當年佢拍都搵我傾過點演，佢都有壓力，希望收視能夠承接我哋部劇收視。（會否捧場收睇？）睇下使唔使開工，唔使一定支持，好多朋友都有份參演。」談到囡囡與太太陳自瑤可有收睇《狀王之王》，王浩信表示有，又讚他扮女人靚，劇情好笑。

王子涵早前在社交平台分享婚紗照又在該活動上大派利是。問到是否已結婚？王子涵否認已婚，只是影輯婚紗相，過往好多女藝人都會影，但承認與拍拖三年的男友感情穩定，若然有好消息會同大家公布，又指爸爸王晶思想開放，從不催促她結婚，最緊要她開心。

問到爸爸是否不想她結婚？她笑說：「佢想儘快處理我！（爸爸唔想抱孫？）佢唔得閒，佢人生無一刻得閒，不過今年農曆年一齊喺香港過，畀機會我逗下利是，逗埋呢兩年啦！」

提到情人節，她表示跟男友簡單吃飯慶祝，並笑謂例牌收花和禮物。問到是否退出娛樂圈已轉行，她笑言一向有秘撈，演藝工作也會繼續做，亦有幾部內地劇洽談中。