恭喜恭喜！TVB港姐亞軍如願懷虎寶寶

Bob祝連生貴子

林盛斌（Bob）身為張秀文夫婦的「媒人」，對秀文懷孕一事表示毫不知情，他說：「我真系完全冇聽過，如果真系有咗，我諗佢哋其中一個會話畀我知。我當然好想佢哋快啲連生貴子，組織一個小家庭，我亦相信佢哋努力造人中，希望真系等到佢哋嘅好消息，衷心祝福佢哋！」

至於有份出席婚禮的林秀怡，同樣聲稱不知情：「會唔會系未夠3個月未講得？如果佢真系有咗，當然好戥佢開心，近年好多人生BB。我覺得秀文將來一定系個好媽媽，因為佢喺朋友中經常扮演姑媽角色照顧我哋。（送咩禮物？）會送實際禮物，奶粉同尿片啦！」

鍾嘉欣懷第3胎呻肚餓

另一邊廂，「民選視後」鍾嘉欣於2015年底閃嫁脊醫老公Jeremy後，先後誕下一對可愛仔女Kelly及Jared，但仍有心有力。

剛踏入38歲的她，昨日（10日）在社交網宣布第3度懷孕：「很高興地宣布，我們期待今年會有一個小虎！非常感謝大家的生日祝福，我的心和手現在都滿了，而且，我真的很餓……」

她曬出被仔女攬到實的照片，手上拿著胎兒超聲波照，觀其巨肚目測至少懷孕5個月，但未有透露胎兒性別。