劉佩玥突失聲被嚇壞！劉穎鏇望龍年挑戰飛機師角色

原標題：劉佩玥突失聲被嚇壞！劉穎鏇望龍年挑戰飛機師角色

劉佩玥突失聲被嚇壞決心變阿佘咁Fit 劉穎鏇望龍年挑戰飛機師角色

劉佩玥（Moon）和劉穎鏇（Tiffany）在兔年過得相當不俗，前者首次在頒獎禮打入「最佳女主角」5強，同佘詩曼拗手瓜；後者4度提名「飛躍進步女藝員」終首度奪獎，爆喊感謝父母是最強後盾。

展望龍年， Tiffany望繼續突破挑戰機師角色；34歲Moon自爆頒獎禮時突然失聲，嚇壞的她認為是身體響警號，今年決心要搞好身體，望似佘詩曼到48歲都一樣Fit。

兔年首奪「飛躍進步女藝員」獎，Tiffany當然滿意又好開心，「今年好幸運攞到呢個獎，經歷咗呢7年努力有呢個獎，原來真係好開心好感動。」連續4年獲提名才得獎，她承認原來感受比想像中更大，「冇諗過會咁感動，攞嗰刻真係咩情緒都出曬嚟，個獎係飛躍進步，代表性係觀眾認同我真係有進步，係自己最想做到嘅嘢，嗰刻好安慰。」

正向心態面對負評

Tiffany坦認因知提父母時必變喊包，台上講感言時刻意安排最後才答謝他們，「父母永遠係最大後盾，無論你做咩都好，佢哋永遠係咁支持，加上呢個獎嘅代表性，好多感受即刻涌曬上嚟，到父母點樣支持我，呢刻先有咁嘅獎勵，真係好多嘢諗。」

她回想當年選完港姐，毅然放棄讀大學回港發展，亦得到父母支持，「佢哋唔畀壓力我，呢樣嘢好幫到我，畀我嘗試，只要係做緊自己鍾意做嘅嘢。」

Moon又大讚Tiffany工作態度認真，得獎實至名歸「佢嗰種勤力，同埋想做好1樣嘢嘅決心、熱誠，我係好欣賞。」Moon又認為大家心態好相似，不太擔心負面評價，「佢睇完會問我，呢啲嘢係咪可以好啲，真係想做好啲，而唔係純粹覺得有人鬧自己。」

Moon欣賞Tiffany，從對方得獎時她喊到變豬頭可以證明，「原來見住一個自己嘅朋友，好欣賞拍檔攞獎係咁開心，（林）子善仲有隔離呢個，嗰種喜悅真係開心過自己攞。」

兔年Moon同樣好充實，最難得當然是「最佳女主角」打入最後5強，「對我嚟講好有意義，不論係觀眾定公司都一路好支持我，去到10年呢個位，依家要諗點樣喺更加短嘅時間裡面再做得好啲，唔可以停留喺一個level。」

去年奪得「馬來西亞最喜愛TVB女主角」獎的她，又認為得獎有鞭策作用。

望孖住拍旅遊節目

展望龍年，Tiffany希望挑戰多些不同角色，早前在《飛常日誌》做過索空姐的她，希望有機會挑戰飛機師角色，「做機師幾得意，以前好鍾意睇《衝上雲霄》，好神奇，可以嗰機師位度，有咁多掣任我控制。」

而做過真空姐的Moon，卻想做飛機維修員，「我好想去維修嗰啲地方，我以前做空姐冇機會落去。」

Tiffany亦想財源廣進，Moon就笑言會用吸引力法則，吸錢埋身。

未完待續,請點擊「下一頁」繼續閱讀