原標題：周吉佩做到隻積被「老婆」欺凌！ 老婆不滿形象被摧毀

周吉佩呻做到隻積被「老婆」欺凌冇飽飯食 擴充音樂中心做到去廁所都冇時間

周吉佩(吉吉)在《中年好聲音》封王近一年，吸金過百萬，農曆新年前吉吉擴充了音樂中心，但在公在私幕後大老闆都係老婆黃彥欣，所有行政事務都交畀老婆處理。

現在兩公婆朝夕相對一齊做嘢非常開心，不過磨擦較以前多，吉吉希望新一年兩公婆少啲拗撬，可以融洽工作。

採訪：方騫平 攝影：朱偉彥

月前周吉佩開設的《好聲音中心》音樂中心，豪花6位數擴充及喬遷，𠵱家生意都唔錯，但老婆永遠覺得唔夠；

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

吉吉有所「投訴」：「我話過每日最好教4至5個學生，畀小小時間我中段休息，點知佢日日如是，安排我由下午2時直踩到9時，連去廁所都冇時間呀！你知教唱歌係要做到足，冇得呃鍾㗎啦，返到屋企變咗人乾咁，咁夜連晚飯都冇得食。」黃彥欣即否認唔畀飽飯老公食：「你咪食完午飯先開工囉，係你自己戒食晚飯啫。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

老婆不滿形象被摧毀

吉吉還想當年：「多年前老婆話過想做我上司，話想差遣我，仲幻想我哋一齊工作狀況…估唔到𠵱家成真。」黃彥欣偷笑說：「係我想欺凌佢。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

不過，黃彥欣坦言唔多習慣同老公一齊工作：「佢由頭到尾都當自己係藝術家，個人又執著又多意見，會問返我『點解咁做？想得到乜結果？』」

語畢，黃彥欣爆吉吉係緊張大師，常追住問：「呢啲嗰啲執咗未？」又常點她吸塵及抹玻璃門：「我都唔明點解重覆又重覆咁做？」吉吉自爆近日兩公婆經常有拗撬，鬧得最多就係老婆怪佢態度唔好：「有時答佢『唔得閒呀』、『快啲講』…佢聽完會扯火，好彩嬲完好快冇事。」

黃彥欣帶點不滿回應：「我形象畀你摧毀啦，講到我咁恐怖。」