原標題：陳自瑤回應另一半出軌問題！避談王浩信有否有追新劇

婚後事｜陳自瑤回應另一半出軌問題 嘗試解決：最後唔得都冇辦法

無線（TVB）劇集《婚後事》正在熱播，劇中陳自瑤（Yoyo）歇斯底里同羅子溢鬧離婚一幕，含淚委屈的演技大獲好評。昨晚（2/3）陳自瑤現身電視城出席《博愛歡樂傳萬家》籌款節目接受《香港01》訪問時，回應如果現實生活中另一半出軌會如何處理？答案令人出乎意料。

《婚後事》以探討愛情及婚姻世界各式各樣別具爭議性的話題為重心，由六個不同的主角以各自的視點為大家揭開故事不同面貌及真相，以多角度了解人性、愛情定義及意義。劇集首播至今，掀起不少話題，尤其陳自瑤（Yoyo）在劇中歇斯底里同羅子溢鬧離婚一幕，含淚委屈樣演技大獲好評。

陳自瑤現身電視城出席《博愛歡樂傳萬家》籌款節目，接受《香港01》訪問時表示：「其實都等咗好耐終於都播，第一晚嘅時候，我係好緊張，我唔知道觀眾鍾唔鍾意，同佢哋會有咩反應。而呢幾晚我就好勤力做功課係咁出Po，每日都睇人哋畀我嘅留言，都睇到好夜，變咗每日都瞓得幾個鍾。

雖然我唔能夠一一回覆佢哋，但我都留言多謝佢哋。令我感動到嘅係，我睇到好多人嘅故事，而最特別嘅係張明芯呢個角色帶畀佢哋好多共鳴。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

如果現實生活中另一半出軌會如何處理？

被問到現實生活中另一半出軌會如何處理？陳自瑤表示：「其實呢啲假設性問題好難答，因為當中有好多唔同嘅情況會發生，變咗好難答。（如果好似劇入面嘅情節咁，你會點處理呢段關係？）而張明芯就選擇決絕。但其實張明芯係受咗傷害接受咗佢，再受傷害，佢先變得咁決絕咁瘋狂。（會唔會好似張明芯慢慢去接受對方？）呢啲真係要睇實際情況。

（你會唔會傷心？）當然會非常傷心，但我會理性去探討點解會變成而家咁嘅情況，自己出現咗啲咩問題呢？係咪自己做得咩唔好呢？問題能唔能夠解決呢？但如果大家都嘗試努力咗，而到最後都唔得嘅，又或者解決唔到嘅，咁都無辦法。

（都會選擇離婚！）如果大家盡力咗係唔得嘅，或者個問題唔在於我，或者對方唔願意去解決嗰個問題，咁呢啲情況都要係雙方。一方想，但另一方唔想，咁都係嗰句，如果最後都唔得都冇辦法。」

她透露剛從內地宣傳該劇返港，提到「洗樓」一事，她澄清並非拉票。

她解釋當日是到內地的子母公司，由於是第一次去，所以買了一些甜品和水果去慰勞當地的同事。

問陳自瑤是否有信心爭視後？她說：「只係講都覺得開心，因為套劇拍咗年幾兩年，一路都等佢出街，終於出街覺得好開心，但同時亦擔心同好緊張，唔知大家會唔會鍾意，始終第一次做咁重要角色，睇到啲反應都好感動。」