原標題：准媽媽連詩雅懷孕四個月亮相節目！與陳家樂約法三章每晚必做一事

准媽媽連詩雅懷孕四個月亮相節目　與陳家樂約法三章每晚必做一事

連詩雅（Shiga）日前於社交網宣布懷孕，宣布與老公陳家樂造人成功。昨晚（2/3）陀B四個幾月的連詩雅（Shiga）現身電視城出席《博愛歡樂傳萬家》籌款節目。

Shiga接受《香港01》訪問時表示：「自從我有咗BB之後，我身邊嘅朋友同家樂佢哋都好照顧我，同好錫我，其實我係好享受呢種感覺。（大家有冇傾過湊B嘅分工？）我有同佢約法三章，例如夜晚喂B佢要幫手，同埋要佢點都一定要學換尿片，同埋要學點同BB沖涼，點都一定要一齊照顧BB。」

連詩雅讚BB好腳頭

提到BB腳頭好旺爸爸事業，連詩雅笑言也希望旺埋媽媽，對於陳家樂在新戲有露股演出，連詩雅表示知道並覺得這是一個好的機會，所以鼓勵老公：「啱啱拍嗰陣好大壓力，又要減磅，又有好多複雜嘅情緒，都知道佢辛苦，所以都儘量唔煩佢。」

連詩雅又表示希望能夠工作到生產的時候：「如果客戶唔驚，都想繼續做嘢，喺能力範圍之內，而家都仲有啲拍攝工作（老公有冇叫唔好出埠？）冇咁講，但因為我好論盡，佢叫我小心啲行路同埋都扶住我，但我又未至於笨拙。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

連詩雅又坦言不習慣身體的變化，提到她早前與鄧小巧合唱時落淚，她指因為該曲講媽媽，自己現在感覺到做媽媽的不容易，有開心亦有辛苦的情緒，問到之後會否追多個？她說：「睇定啲先，希望順利，呢個階段仲有好多嘢擔心，最緊要BB健健康康。」

港姐冠軍莊子璇否認整容

另一方面，今屆港姐冠軍莊子璇身穿中學校裙現身，她指畢業後4年已沒穿過校裙，提到有報道指她的樣貌再進化，豬膽鼻變間尺鼻之餘更撞樣朱晨麗，莊子璇聽後即表示：「佢靚好多。」