娛樂
TVB前歌后一姐加盟恩師公司！重新出發拒提男友吳卓羲
提到她剛才自認是師妹，菊梓喬笑言這不關乎年齡問題，自己是新加入公司，笑她是公司的一姐，她即說：「唔會，唔係，努力做新人，因為做細係會好努力。」
菊梓喬指現時當自己是新人，日後將會在音樂、劇集及節目作多方面發展，更坦言若TVB邀請，也會合作，問到為何會繼續跟何哲圖合作？她說：「有其他公司搵，不過出道開始佢幫咗我很多，係伯樂同恩師，對佢都有信任，因為佢從來有嗰句講嗰句，覺得好穩陣。（條件好？）有得返工已經好好，因為喺TVB好少見大家，藝人需要同大家見面。」
菊梓喬指現時逼老闆一年幫她出四至五首歌，亦希望搞演唱會，又指日後會努力爭取工作：「嚟緊拍劇都會自薦，唱劇集歌就會跪求，以前怕丑啲，而家有啲唔知丑，我想做啲同之前形象唔同嘅角色，想鬧到人喊同打人。」
又笑謂日後就算出批踭、𦧲高層也一定會跟「師兄師姐」爭歌唱，問到現在是否有拍拖？她表示想，也不介意對方年紀細，只要是合法年齡便可。
至於今次加盟，是否有向緋聞男友吳卓羲問意見，菊梓喬聽後即落閘說：「唔知喎，我要做好我自己。（唔friend？）冇咩好講，今日係我大喜日子。（有冇送祝福畀你？）冇人知呀呢件事，可能人哋冇睇呢，唔緊要啦。（好少聯絡？）冇所謂。」
文章來源：搜狐
