江嘉敏撰分手文暗寸前度美腿突然重創傷上加傷
TVB小花江嘉敏上月爆出與電競高層男友Anthony分手結束3年情，更有指男方「偷食」，慘歷失戀傷痛嘅佢一直未放低，不時於社交網抒發不快感受，事隔個半月，佢終於正式為呢段感情畫上句號，於社交網撰寫給前男友的信並標籤舊愛。
文中提到：「一切的起點，都是最美的瞬間。美好的回憶，會長存在腦海中。四年了，感謝你一路以來的相伴。我相信，我們都會以更好的自己迎接未來。這奇妙旅程的火車到站了，就好好的一起畫上句號吧。」
佢續指：「我知道，你們都會好好的。我也一樣，會繼續努力，讓你驕傲，曾經的相伴，留下了很多足夠潤澤我往後日子，支持著我好好的成長。」
當中「你們」一詞，相信系形容緊Anthony與現任女友，間接默認偷食說法，但佢亦保持大方，反而向男方道歉自認做得唔夠好：「對不起，你在身邊時，我還未是最好的自己。謝謝你，旅程結束時，讓我知道我可以更好。再見了，期待我們再見時，我們都過得理想。」
不過Anthony嘅社交網用戶經已刪除。
飽受情傷之餘，佢亦曬出近照，見其腳部受傷，腳掌至大髀位置全被包紮，佢透露：「立即變粗，得咗！以為冇乜事，點知重傷，醫生問我點解可以忍到成個星期。」身心均受創，認真禍不單行。
江嘉敏失魂腳傷骨裂唔認為情傷自殘
藝人江嘉敏今日（14日）在社交網發表分手宣言，正式與男友結束3年情，她又上載腳傷照片，她撐著拐杖出席劇集《食腦喪B》記者會，講到腳傷，她表示發生了一點意外，但為免嚇親家人故不肯透露詳情。
她說：「當時唔系開緊工，系因為自己唔專心所以跣親，我初時以為好小事，只系腫咗，雖然已經痛到瞓唔到，但前日真系忍唔到去睇骨醫，佢話我骨裂同埋小腿骨歪咗，暫時唔需要打石膏，等覆診睇嚇個康復情況。我後日要開工拍劇，監製知道後話停一日工，再睇我情況點。（擔唔擔心變長短腳？）我冇諗過，依家醫學咁發達有得救嘢，唔開工就會攤喺度。」
問到是否因為情傷而自殘，她否認：「唔會做出傷害自己嘅事。」
談到分手後的心情，嘉敏稱現專注工作：「都過咗去，人系需要向前看，努力工作先。（心情好啲未？）冇乜嘢。（因為第三者而分手？）我要講嘅嘢都喺社交平台上講曬。因我腳傷，好多朋友傳短訊關心我對腳同我成個人，於是決定一次過喺網上報平安。
（前男友刪除咗個社交帳戶。）我唔知道。（仲有冇聯絡？仲系咪朋友？）都過咗去。（有冇追求者？）專心工作先。（準備好接受新感情？）努力工作。（因為有陰影？）努力工作先。最近除咗拍劇之外，仲做埋綜藝節目主持，對我系好大挑戰。」
未完待续,请点击「下一页」继续阅读
{nextpage}至於同場的陳曉華（Hera）亦與江嘉敏同病相憐，她透露一個月前拍攝節目時受傷令膝頭韌帶撕裂，由於傷後暫停運動以致一個月內體重暴增，她說：「當時肥到化妝師話我連化妝打陰影都遮唔到，最近已經減番6至8磅，但今日我都系有打重陰影。」
另外，之前有網友在網上大爆Hera與方力申撻著，並送狗公仔傳情，Hera否認戀情：「絕對冇拍拖，都冇收過公仔，我都唔知點解會有呢個傳言。（佢系咪你杯茶？）我系一見鍾情嘅人，好睇感覺，我鍾意韓劇嘅劇情，但仲未遇到呢個人，目前想喺事業上進步先。」