生日變求婚！TVB花旦收3卡鑽戒宣布再結婚喇

送戒指造型蛋糕

據知，壽星女到場時，看見朋友的衣著跟自己大有不同，初時有點錯愕，但不以為意，但當和友人舉杯盡興及唱生日歌時，侍應推出一個以戒指造型製作的6磅生日蛋糕，陳國強即手執99支玫瑰花及3卡求婚鑽戒，向女友下跪求婚，全場友人即起鬨歡呼，陳煒見狀又驚又喜，即場答允下嫁！

陳煒2008年與台灣商人顏志行結婚後息影，但婚姻只維持了4年便告玩完，雖然不再是夫妻，但她與前夫保持友好關係。離婚後Dry足7年的她，經好友黃智賢「做媒」終遇上第二春，陳國強亦是失婚，並育有兩女兒。

陳煒跟他做了一年多朋友才開始拍拖，至今感情穩定，並共賦同居。她早前受訪時直認對目前的感情生活感到滿足，亦滿意自己作為女朋友的表現。

陳國強除咗出動99支玫瑰花及3卡求婚鑽戒，單膝下跪向女友求婚外，仲訂造巨型鑽戒蛋糕，凼到壽星女兼準新娘笑到四萬咁口！

「准陳太」急不及待喺社交網留言報喜：「感恩有你。」而準新郎亦曬出與陳煒頭貼頭合照，隔空冧爆回覆：「是我要多謝你才真。」Sweet到呢！

朱晨麗上載與陳煒合照，大爆早已「看透」世事，留言謂：「好大粒鑽石呀，我最親愛的閨蜜 @alicechanwai 我話你好快就會嫁㗎啦，See！激動到掛住喊嘅我，都冇好好地正正式式咁對你講恭喜說話，現在補番！祝你生日快樂，身體健康、祝福你哋白頭偕老，永結同心。」

而Dorian亦曬派對相祝賀好友覓得第二春。

岑麗香接受東網訪問時，大講感受，但佢自己未到場已經求咗婚:「大家都好開心，好感動，我都好開心可以見到呢個時刻。祝佢哋白頭到老，開心滿瀉。」而朱晨麗則說：「我梗系開心，喊到豬頭，對眼都腫曬，見到佢哋好甜蜜，煒哥個樣好冧，Dorian都喊曬。以前叫煒哥男友做姐夫，依家可明正言順咁叫啦！」

作為陳國強美容院partner的黃智賢說：「好戥佢哋開心，我事前唔知呀！因為我返咗內地拍劇，所以都冇出席佢哋嘅party，希望佢哋開開心心、幸福美滿。」