給夫婚夫100分！TVB花旦收「八心八箭」鑽戒訂終身

陳煒左手無名指上戴上3卡的求婚戒指，她透露是由朋友設計，由2隻戒指組合而成，「八心八箭」的切割很有意思，而圍邊的鑽石是有關他們2人的秘密故事，非常有心思。其實「八心八箭」是圓鑽的光學現象，被稱作「邱比特車工」，代表了邂逅、鍾情、暗示、初吻等美麗意境。

何國鉦同朱晨麗「喊到豬頭」

本地著名時裝設計師何國鉦，昨晚（21日）有份見證好友陳煒被求婚，他笑言很辛苦：「我守咗個秘密成個月，好似我系新郎哥咁，所有嘢都由我安排，因為佢（陳煒男友）成日同陳煒一齊，佢要偷偷打電話畀我。」

他指昨晚自己是第一個喊，跟朱晨麗一齊「喊到豬頭」，非常感動：「好戥佢開心，因為陳煒系好值得人錫嘅人，佢太好人，我哋成日都笑佢男友坐喺度食殘廢餐，所以我哋叫佢一定要對陳煒好啲。」

他指會免費為好友設計婚紗作賀禮：「呢啲好小事，我一早應承咗。（設計咩類型婚紗？）要睇嚇佢揀咗咩場地先諗嚇幫佢設計咩婚紗。」