娛樂
TVB有意重啟金庸武俠劇！曾志偉回應LOONG 9團名
原標題：TVB有意重啟金庸武俠劇！曾志偉回應LOONG 9團名
曾志偉興奮年紀大嘅朋友都識LOONG 9
《出租家人》好票房「裸跑」謝觀眾支持
曾志偉今日（15日）出席《俠之大者 - 金庸百年誕辰紀念》揭幕禮，對於亞洲超星團的組合名「LOONG 9」引起熱話，他覺得團名不是問題：「好多名大家最初唔習慣，但係咁就炒咗個熱度，依家個個都識，冇人唔識LOONG 9。
呢個名係北京用，佢哋唔明白LOONG 9變廣東話係乜嘢，但對我來說，呢啲嘢自己見得多，慣嚇慣嚇就舒服，舒服後如果呢班人成績公認，大家或者會覺得嗰日改呢個名改得好好，人生就係咁。」
志偉又憶起當年成龍拍攝《警察故事》，經常被鬧這個名似是沒用腦去改，結果該片賣錢兼拍第二、三集。他又舉例電影《A計劃》、《恭喜發財》、《聖誕快樂》也似是沒經思考去改名，但這些名字讓大家最容易認識，若取個深奧名字大家反而難以記得。
談到LOONG 9團名被網民抽水，志偉直說：「仲好！多啲人討論同認識。有啲人唔知呢隊係咩都翻資料睇嚇。身邊年紀大嘅朋友冇睇《亞洲超星團》都知好多熱話。」
問他有否參與構思團名？他指是北京方面負責構思，當然有給他們過目，又解釋在國內「龍」不再翻譯為「dragon 」，9個人便改名為LOONG 9。問他最初覺得該名如何？他坦言：「我自己都覺得奇怪，就由得奇怪囉，依家大家都識。昨日同今日訪問都被問，之後有排問，問問嚇就慣。」
想TVB翻拍《神鵰俠侶》
談到金庸著作，志偉表示未演過金庸作品的角色，自認沒有角色適合演，他喜歡周伯通，但當年後生難演老玩童，大俠又演不到，又不夠風流倜儻飾演韋小寶。問TVB會否翻播金庸劇集？志偉表示將會播放騰訊新版本的《射鵰英雄傳》，他指騰訊擁有金庸和古龍的版權。
未完待續,請點擊「下一頁」繼續閱讀
文章來源：搜狐
